Stjórn Akureyrarstofu - 208

Þuríður Helga Kristjánsdóttir framkvæmdastjóri félagsins kom á fundinn til að fara yfir stöðu rekstrar og verkefna.

Stjórn Akureyrarstofu þakkar Þuríði fyrir greinargóðar upplýsingar og gagnlegar umræður.

Anna Hildur Guðmundsdóttir fullrúi L-lista vék af fundi kl. 17:00.

Katrín Björg Ríkarðsdóttir aðstoðarmaður bæjarstjóra mætti til fundar við ráðið undir þessum lið og kynnti gátlista sem tengjast verkefninu.

Stjórn Akureyrarstofu þakkar Katrínu fyrir komuna á fundinn og greinargóða kynningu.

Lögð fram til kynningar drög að verklagsreglum vegna tímabundinna lokana gatna fyrir bílaumferð á Akureyri en skipulagsnefnd hefur óskað eftir umsögn stjórnarinnar um þær.

Stjórn Akureyrarstofu lýsir sig sammála þeim grunnhugmyndum sem fram koma í verklagsreglunum og felur framkvæmdastjóra að koma á framfæri ábendingum sem fram komu á fundinum.

Farið að nýju yfir hugmyndir um breytingar og verkefni sem gætu annars vegar skilað bæjarsjóði auknum tekjum og hins vegar leitt til lækkunar á rekstrarkostnaði.

Tvö erindi dagsett 13. apríl 2016 frá Haraldi Þór Egilssyni f.h. Minjasafnsins á Akureyri. Annars vegar erindi þar sem er óskað er eftir viðræðum við Akureyrarbæ um endurnýjun á þjónustusamningi við safnið. Hins vegar erindi þar sem óskað er eftir viðræðum um hækkun á framlögum til reksturs Nonnahúss, Sigurhæða og Davíðshúss, en Minjasafnið annast rekstur skáldahúsanna með sérstöku samkomulagi.

Stjórn Akureyrarstofu felur formanni stjórnar og framkvæmdastjóra Akureyrarstofu að taka upp viðræður við forstöðumann og stjórn Minjasafnsins á Akureyri.