Stjórn Akureyrarstofu - 111

Lögð fram til umræðu drög að endurnýjuðum samningi sem gert er ráð fyrir að gildi til næstu þriggja ára.

<DIV><DIV>Stjórn Akureyrarstofu fagnar því að nú er lagt upp með að gera samning til þriggja ára en gerir athugasemdir við fjárhæðir í þeim drögum sem fyrir liggja. Framkvæmdastjóra Akureyrarstofu og formanni stjórnar falið að koma þeim athugasemdum á framfæri við mennta- og menningarmálaráðuneytið og halda áfram viðræðum . Að öðru leyti telur stjórnin mikilvægt að ljúka samningum sem allra fyrst.</DIV></DIV>

Rætt um áherslur í nýjum samningi við Sinfóníuhljómsveit Norðurlands en nú er stefnt að því að gera aftur þriggja ára samning við hljómsveitina.

<DIV>Framkvæmdastjóra Akureyrarstofu og formanni stjórnar falið að halda áfram samningaviðræðum við fulltrúa SN með það að markmiði að samningum ljúki sem allra fyrst.</DIV>

Lagt fram til kynningar 11 mánaða rekstraryfirlit fyrir menningarmál og atvinnumál.

<DIV>Stjórn Akureyrarstofu þakkar framkvæmdastjóra fyrir yfirferðina en útlit er fyrir að fjárhagsáætlun standist í meginatriðum.</DIV>

Afgreiðslu fjárhagsáætlunar fyrir árið 2012 var lokið í bæjarstjórn þann 6. desember sl. Farið yfir helstu niðurstöður.

<DIV> </DIV>

Formaður fór yfir hugmyndir um skipun áheyrnarfulltrúa í stjórn Akureyrarstofu skv. nýjum sveitarstjórnarlögum en samkvæmt þeim mun öllum flokkum sem eiga fulltrúa í bæjarstjórn bjóðast að skipa áheyrnarfulltrúa í nefndir og ráð þar sem þeir eiga ekki fasta fulltrúa.

<DIV><DIV>Stjórn Akureyrarstofu fagnar því að öllum flokkum verður gert kleift að koma að umræðum um verkefni stjórnarinnar.</DIV></DIV>

Sigmundur Ófeigsson formaður verkefnisstjórnarinnar og Sævar Pétursson verkefnisstjóri atvinnumála fóru yfir stöðu mála og greindu frá næstu skrefum í vinnunni. Verkefnisstjórnin stefnir að því að skila stjórn Akureyrastofu áfangaskýrslu með tillögum um áframhaldið í lok janúar 2012.

<DIV> </DIV>

Lagt fram yfirlit um atvinnuátaksverkefni sem Akureyrarstofa hefur komið að á árinu 2011. Jafnframt rætt um áherslur í atvinnuátaksverkefnum á næsta ári. All fjölbreytt verkefni hafa verið í gangi á þessu ári en alls eru það 12 aðilar sem hafa staðið fyrir átaksverkefnum með stuðningi frá stjórn Akureyrarstofu.\nSævar Pétursson verkefnisstjóri atvinnumála á Akureyrarstofu kom á fundinn og gerði grein fyrir verkefnum og fjárhagsstöðu átaksverkefnanna.

<DIV>Stjórn Akureyrarstofu þakkar Sævari greinargóðar upplýsingar og umræður.</DIV>

6. liður í fundargerð skólanefndar dags. 21. nóvember 2011:\nFyrir fundinn voru lagðar reglur um leigu húsnæðis grunnskóla og æskulýðs- og íþróttamannvirkja til endurskoðunar, en þessar reglur voru síðast endurskoðaðar árið 2008.\nSkólanefnd samþykkir að stofna vinnuhóp til að endurskoða reglurnar og að hópurinn verði þannig skipaður að í honum eigi skólanefnd, íþróttaráð, samfélags- og mannréttindaráð, Akureyrarstofa, skólastjórar grunnskóla og ÍBA fulltrúa. Skólanefnd samþykkir að fulltrúi nefndarinnar verði Preben Jón Pétursson og verður hann formaður vinnuhópsins.

Ódags. erindi frá Páli Jóhannessyni f.h. Körfuknattleiksdeildar Þórs, þar sem óskað er eftir að Akureyrarstofa styðji við Þrettándagleði Þórs með svipuðum hætti og undanfarin ár.

<DIV><DIV>Stjórn Akureyrarstofu samþykkir að styrkja hátíðina um 150 þús. kr. eins og undanfarin ár.</DIV></DIV>

Í vinnu við undirbúning fyrir hátíðahöld um verslunarmannahelgar síðustu ára hefur komið upp sú hugmynd að Akureyrarbær og félagið Vinir Akureyrar geri með sér samning um framkvæmd hátíðahaldanna 2-3 ár fram í tímann. Í tengslum við undirbúning fyrir hátíðina á næsta ári var ákveðið að hefja vinna við samningsdrög.

<DIV>Stjórn Akureyrarstofu felur starfsmönnum Akureyrarstofu að vinna áfram að samningnum.</DIV>