Stjórn Akureyrarstofu - 233

Lögð fram umsögn forstöðumanns héraðskjalasafnsins og deildarstjóra Akureyrarstofu um nýja reglugerð um rekstur héraðsskjalasafna.

Stjórn Akureyrarstofu tekur undir þær athugasemdir/ábendingar sem settar eru fram í umsögninni. Frestur til að skila inn umsögn við reglugerðina til Þjóðskjalasafnsins er til og með 16. júní 2017.

Erindi frá stjórn MAk dagsett 8. júní 2017 þar sem gerð er athugasemd við ráðstöfun á framlagi ríkisins samkvæmt Menningarsamningi í Tónlistarsjóð Hofs. Einnig er gerð athugasemd við þá ákvörðun að umsjón með sjóðnum skuli vera í höndum Akureyrarstofu en ekki Mak.

Með ráðstöfun fjármuna í tónlistarsjóðinn nýja er stjórn Akureyrarstofu að styðja við eitt af meginverkefnum samningsins sem er að efla starfsemi menningarhússins Hofs þannig að það geti með öflugum hætti rækt það hlutverk sitt að vera eftirsóknarverður vettvangur fyrir listviðburði af landinu öllu, þjóni öllum Norðlendingum sem og framleiðendum listviðburða, listamönnum og gestum, sbr. 4. tölulið í 2. gr. 1. kafla.

Varðandi umsjón með sjóðnum skal á það bent að MAk á fulltrúa í úthlutunarnefnd sjóðsins og einnig er vakin athygli á því að undirbúningur að stofnun þessa tilraunasjóðs fór fram í samráði við stjórnendur MAk og því ætti hvorki fyrirkomulagið eða framkvæmdin að koma á óvart.

Skipa þarf nýjan fulltrúa í stjórn Gása.

Stjórn Akureyrarstofu samþykkir að skipa Kristínu Sóleyju Björnsdóttur sem fulltrúa sinn í stjórnina.

Umræða um starfsáætlun stjórnar Akureyrarstofu.

Frestað til næsta fundar.

Þuríður Helga Kristjánsdóttir framkvæmdastjóri MAk mætti á fundinn undir þessum lið og fór yfir stöðu rekstrar og verkefna hjá Menningarfélaginu.

Kynnt var 9 mánaða uppgjör.

Stjórn Akureyrarstofu fagnar því að rekstur MAk er í jafnvægi og jafnframt að hægt hafi verið að halda úti metnaðarfullri dagskrá þrátt fyrir mikið aðhald í rekstri félagsins.

Á fundinn mættu fulltrúar MAk, Þuríður Helga Kristjánsdóttir, Jón Páll Eyjólfsson, Þorvaldur Bjarni Þorvaldsson og Kristín Sóley Björnsdóttir til að fara yfir sameiginlegar áherslur aðila vegna viðræðna við fulltrúa mennta- og menningarmálaráðuneytisins um nýjan samning um menningarmál.