Stjórn Akureyrarstofu - 128

Hulda Sif Hermannsdóttir verkefnisstjóri viðburða og menningarmála og Hreinn Þór Hauksson verkefnisstjóri atvinnumála mættu á fundinn undir þessum lið og fóru yfir helstu verkefni á sínum sviðum og stærri verkefni sem framundan eru á næstu misserum.

<DIV>Stjórn Akureyrarstofu þakkar Huldu Sif og Hreini Þór fyrir greinargóðar upplýsingar og gagnlegar umræður.</DIV>

Hápunktur hátíðarhalda vegna 150 ára afmælis Akureyrarkaupstaðar var um nýliðna helgi.\nHulda Sif Hermannsdóttir verkefnisstjóri á Akureyrarstofu sem starfað hefur með afmælisnefndinni sat fundinn undir þessum lið.

<P>Stjórn Akureyrarstofu fagnar því hve einstaklega vel tókst til með Afmælisvöku Akureyrar og óskar afmælisnefnd bæjarins og starfsfólki hennar til hamingju með þennan góða árangur. Ljóst er að vel hefur tekist til með samstarf nefndarinnar við Akureyrarstofu og aðra aðila við undirbúning og að hjá starfsmönnum býr umtalsverð þekking og reynsla á skipulagningu og framkvæmd viðburða. </P><P>Stjórn Akureyrastofu þakkar sérstaklega íbúum bæjarins fyrir þeirra þátt í að gera glæsilegt afmælisár að veruleika.</P>

Ragnheiður Skúladóttir listrænn stjórnandi og Eiríkur Haukur Hauksson framkvæmdastjóri LA komu á fundinn undir þessum lið og fóru yfir starfsemina á komandi vetri og stöðu rekstrarins.

<DIV>Stjórn Akureyrarstofu þakkar þeim Ragnheiði og Eiríki fyrir komuna á fundinn og óskar Leikfélaginu til hamingju með metnaðarfulla vetrardagskrá.</DIV>

Fulltrúar Leikfélags Akureyrar, Menningarfélagsins Hofs og Sinfóníuhljómsveitar Norðurlands hafa ákveðið að ganga til viðræðna, undir stjórn Akureyrarstofu, um aukið samstarf og mögulegan samrekstur stofnananna. Lögð fram til kynningar og umræðu drög að viðræðuáætlun.

<DIV>Stjórn Akureyrastofu samþykkir viðræðuáætlunina fyrir sitt leyti og felur formanni stjórnar og framkvæmdastjóra Akureyrarstofu að taka þátt í viðræðunum fyrir sína hönd.</DIV>

Á fundi sínum þann 23. ágúst 2012 fól bæjarráð stjórn Akureyrarstofu að vinna tillögu um ráðstöfun rekstrarafgangs upp á 1,5 mkr. sem Menningarfélagið Hof skilaði Akureyrarbæ eftir góðan árangur í rekstri félagsins á síðasta starfsári. Lagt fram til umræðu.

<DIV></DIV>

Farið yfir stöðuna á vinnunni við endurskoðun menningarstefnunnar og tímaáætlun fyrir hana. Formaður gerði að tillögu sinni að drög að nýrri stefnu verði lögð fyrir stjórn Akureyrarstofu þann 25. október og opinn umræðufundur um þau verði haldinn viku seinna eða 1. nóvember nk.\nEnn er því stefnt að því að vinnunni ljúki í nóvember eins og tímaáætlun gerir ráð fyrir.

<P>Stjórn Akureyrarstofu samþykkir tillöguna.</P>

Lögð fram drög að fundaáætlun stjórnarinnar til áramóta. Áætlað er að fundir verði haldnir 5. og 20. september, 4. og 25. október, 8. og 20. nóvember og 6. desember.

<DIV></DIV>