Stjórn Akureyrarstofu - 251

Á fundinn mætti Þuríður H. Kristjánsdóttir framkvæmdastjóri MAk og fór yfir 6 mánaða rekstraryfirlit MAk.

Stjórn Akureyrarstofu þakkar Þuríði fyrir greinargóða kynningu.

Erindi dagsett 26. mars 2018 frá Þuríði H. Kristjánsdóttur framkvæmdastjóra MAk, þar sem óskað er eftir fjármagni til kaupa á tækjabúnaði vegna hljóðupptöku í Hofi ásamt endunýjun sviðsbúnaðar tækja í Hof og Samkomuhús.

Þuríður H. Kristjánsdóttir sat fundinn undir þessum lið.

Stjórn Akureyrarstofu samþykkir að fela sviðsstjóra og deildarstjóra Akureyrarstofu að eiga viðræður við umhverfis- og mannvirkjasvið um tækjalista sem liggur til grundvallar beiðni MAk. Málið verður tekið fyrir aftur að þeim loknum.

Farið yfir tillögur faghóps að viðurkenningum Húsverndarsjóðs fyrir endurbætur á eldri húsum og fyrir byggingarlist.

Stjórn Akureyrarstofu samþykkir tillögur faghópsins um hvaða byggingar hljóta viðurkenningarnar. Tilkynnt verður um niðurstöðuna á Vorkomu Akureyrarstofu á sumardaginn fyrsta.

Farið yfir umsóknir um starfslaun listamanna og umsögn faghóps um þær. Alls bárust 14 umsóknir.

Stjórn Akureyrarstofu samþykkir tillögu faghóps um hver skuli hljóta starfslaunin að þessu sinni. Tilkynnt verður um hver fyrir valinu varð á Vorkomu Akureyrarstofu á sumardaginn fyrsta.

Umræður um veitingu heiðursviðurkenninga stjórnar Akureyrarstofu á Vorkomunni.

Farið yfir hugmyndir og tillögur um heiðursviðurkenningar Menningarsjóðs árið 2018. Tilkynnt verður um niðurstöður á Vorkomu Akureyrarstofu á sumardaginn fyrsta

Lögð fram drög að Upplýsingastefnu Akureyrarbæjar.

Ragnar Hólm Ragnarsson verkefnastjóri kynningarmála sat fundinn undir þessum lið.

Stjórn Akureyrarstofu samþykkir að vísa drögunum til umsagnar hjá öðrum nefndum og ráðum sveitarfélagsins að teknu tilliti til umræðu og athugasemda sem fram komu á fundinum.

Erindi frá Magnúsi Ver Magnússyni f.h. Íslenskra kraftmanna þar sem óskað er eftir styrk vegna aflraunamótsins Norðurlands Jakinn 2018.

Stjórn Akureyrarstofu samþykkir að styrkja verkefnið um kr. 50.000 að því gefnu að verkefnið verði framkvæmt.