Stjórn Akureyrarstofu - 203

Lögð fram til kynningar fyrstu drög að nýrri ferðamálastefnu.

Albertína Friðbjörg Elíasdóttir verkefnisstjóri atvinnmála og María Helena Tryggvadóttir verkefnisstjóri ferðamála sátu fundinn undir þessu lið.

Stjórn Akureyrarstofu þakkar þeim Maríu og Albertínu fyrir greinargóða kynningu og vísar drögunum til áframhaldandi vinnu í stýrihópi ferðamálastefnunnar. Jafnframt óskar stjórnin eftir hugmyndum og tillögum inn í markmiða- og verkefnakafla stefnunnar, frá nefndum og ráðum bæjarins og almenningi í gegnum heimasíðu bæjarins.

Lögð fram tillaga að grunnfyrirkomulagi og stjórnun Listasumars og Akureyrarvöku 2016.

Stjórn Akureyrarstofu samþykkir tillöguna og í samræmi við hana að skipaður verði ráðgjafahópur hátíðanna. Í honum sitji Hlynur Hallsson forstöðumaður Listasafnsins á Akureyri, Hulda Sif Hermannsdóttir verkefnisstjóri viðburða og menningarmála og Hildur Friðriksdóttir fulltrúi í stjórn Akureyrarstofu.

Skipa þarf nýjan fulltrúa í stjórn Iðnaðarsafnsins en þar hefur sú breyting orðið að Helga Mjöll Oddsdóttir hefur látið af störfum.

Stjórn Akureyrarstofu skipar Huldu Sif Hermannsdóttur verkefnisstjóra viðburða og menningarmála á Akueyrarstofu sem fulltrúa í stjórnina.