Stjórn Akureyrarstofu - 218

Þuríður Helga Kristjánsdóttir framkvæmdastjóri félagsins og Sigurður Kristinsson komu á fundinn til að fara yfir stöðu rekstrar og verkefna í kjölfar aðalfundar félagsins.

Stjórn Akureyrarstofu þakkar Sigurði og Þuríði fyrir greinargóðar upplýsingar og gagnlegar umræður.

Áfram haldið vinnu við ferðamálastefnuna.

Styrkbeiðni frá Vilberg Helgasyni, f.h. Hjólreiðafélags Akureyrar, þar sem óskað er eftir styrk að upphæð kr. 600.000 til kaupa á sjálfvirkum tímatökubúnaði sem myndi gagnast ýmsum viðburðum á Akureyri.

Stjórn Akureyrarstofu samþykkir styrk að upphæð kr. 600.000 til verkefnisins.

Skipulagsnefnd samþykkti á fundi 5. október sl. að senda tillögu að Aðalskipulagi Akureyrar 2018-2030 til umsagnar innan bæjarkerfisins, þ.e. deilda, nefnda og ráða.

Lagt fram til kynningar.

Í vikunni bárust þau tíðindi að Akureyringurinn Arnar Már Arngrímsson hefur hlotið barna- og unglingabókmenntaverðlaun Norðurlandaráðs fyrir skáldsögu sína Sölvasögu unglings. Þetta er í fjórða sinn sem verðlaun eru veitt í þessum flokki en þau koma nú í fyrsta skipti í hlut Íslendings.

Stjórn Akureyrarstofu óskar Arnari Má hjartanlega til hamingju með verðskuldaða viðurkenningu og óskar honum áframhaldandi velfarnaðar á rithöfundarbrautinni.