Skólanefnd - 19

Hjörleifur Örn Jónsson skólastjóri Tónlistarskólans fór yfir ýmis mál tengd starfsemi skólans.

Skólanefnd þakkar Hjörleifi kærlega fyrir góða kynningu og áhugaverðar hugmyndir um framtíðarsýn tónlistarkennslu á Akureyri.

Erindi dagsett 19. september 2015 frá skólastjóra Naustaskóla, Ágústi Jakobssyni, varðandi lóðaframkvæmdir við Naustaskóla.

Skólanefnd tekur undir áhyggjur skólastjóra og foreldrafélags Naustaskóla um mikilvægi þess að lokið verði við skólalóðina.

Skólanefnd vísar málinu til bæjarráðs og leggur ríka áherslu á að lokið verði við framkvæmdir og frágang skólalóðarinnar fyrir skólabyrjun haustið 2016.

Rekstur fræðslumála janúar - ágúst 2015.

Árni Konráð Bjarnason rekstrarstjóri á skóladeild fór yfir stöðuna.

Málþing um læsi haldið á vegum Miðstöðvar skólaþróunar Háskólans á Akureyri laugardaginn 10. október 2015. Dagskrá þingsins lögð fram til kynningar.

Þann 27. september 2015 sendi stjórn Heimilis og skóla frá sér ályktun um endurnýjun gervigrasvalla vegna eiturefna í dekkjarkurli.

Fræðslustjóra falið að leita frekari upplýsinga um stöðu valla á Akureyri og fylgja málinu eftir í samræmi við umræður á fundinum.

Fyrirspurn mennta- og menningarmálaráðuneytis frá 15. ágúst 2015 varðandi innleiðingu nýrra grunnskólalaga.

Svarbréf frá Grímseyjarskóla dagsett 11. september 2015 lagt fram til kynningar.

Svar leikskólans við úttektinni. Framkvæmd og staða í september 2015.

Umbótaáætlun mun verða aðgengileg á heimasíðu leikskólans Tröllaborgar.

Með bréfi dagsettu 18. ágúst 2015 óskar mennta- og menningarmálaráðuneyti eftir upplýsingum um hvernig brugðist var við beiðni um tvöfalda leikskólavist.

Farið er eftir viðmiðunarreglum Sambands íslenskra sveitarfélaga varðandi leikskóladvöl barna utan lögheimilis. Hvert einstakt dæmi er skoðað með hagsmuni barnsins í huga. Fræðslustjóra falið að svara erindinu.

Úttekt á fyrirkomulagi og framkvæmd sérfræðiþjónustu í sex sveitarfélögum. Unnið fyrir mennta- og menningarmálaráðuneytið í desember 2013. Áætlun frá Akureyrarbæ vegna tillagna um aðgerðir til úrbóta. Staða í september 2015.

Lagt fram til kynningar. Erindi ráðuneytisins um stöðuna í september 2015 hefur verið svarað.

Umræða um framkvæmdaþörf vegna fræðslu- og uppeldismála 2016-2020.

Skólanefnd leggur ríka áherslu á eftirfarandi framkvæmdir á tímabilinu 2016-2019:



1. Framkvæmdir við Hlíðarskóla (2016)

2. Skólalóð Naustaskóla (2016)

3. Íþróttahús Naustaskóla (2016)

4. Endurbætur á eldra skólahúsnæði sveitarfélagsins (2017-2019).

5. Að fjármagn verði aukið í almennt og nauðsynlegt viðhald á skólabyggingum sveitarfélagsins (2016-2019)

6. Að bregðast við hugsanlegum endurbótum í samræmi við niðurstöður úttektar á hljóðvist sem nú stendur yfir í leikskólunum Lundarseli, Krógabóli og Naustatjörn (2016-2019).

Umræður um langtímaáætlun í fræðslu- og uppeldismálum - 10 ára áætlun.

Skipaður hefur verið stýrihópur vegna móttöku flóttamanna til Akureyrar.

Skólanefnd leggur til að Anna María Hjálmarsdóttir verði fulltrúi skólanefndar í stýrihópnum.

Lögð fram til kynningar tillaga til þingsályktunar um styrkingu leikskóla og fæðingarorlofs, 16. mál.