Skólanefnd - 5

Ólöf Andrésdóttir skólastjóri Síðuskóla kynnti helstu niðurstöður af ytra mati á vegum mennta- og menningarmálaráðuneytis á Síðuskóla og umbótaáætlun því tengdu sem þegar er farið að vinna eftir.

Skólanefnd þakkar Ólöfu fyrir kynninguna.

Svar við fyrirspurn í 3. lið fundargerðar viðtalstíma bæjarfulltrúa dagsett 12. febrúar 2015.

Varðandi sumarlokanir leikskóla sumarið 2015 er vísað í 2. lið fundargerðar skólanefndar frá 8. desember 2014.

Í langtímaáætlun liggur fyrir samþykkt um að um tveggja vikna sumarlokanir leikskóla verði að ræða. Það gefur svigrúm til um 8-10 vikna tímabils sumarlokana.

Langtímaáætlun er háð fjárhagsáætlun hverju sinni.

Vinnulag við endurskoðun skólastefnu Akureyrarbæjar.

Skólanefnd mun hefja endurskoðun skólastefnu með nokkrum vinnufundum nefndarinnar. Síðan verða aðilar kallaðir að eftir því sem líður á vinnuna.

Anna Guðlaug Gísladóttir umsjónarmaður ungmennaráðs Akureyrar kynnti hlutverk ráðsins og helstu verkefni.

Skólanefnd þakkar Önnu Guðlaugu fyrir góða kynningu á starfsemi ráðsins.

Svar við fyrirspurn í 3. lið fundargerðar viðtalstíma bæjarfulltrúa dagsett 15. janúar 2015 um upphitun sparkvalla.

Allir sparkvellir Akureyrarbæjar eru upphitaðir allt árið. Ef mikið hefur snjóað og tíðarfar erfitt, hefur snjóbræðslan ekki undan.