Skólanefnd - 12

Skólanefnd heimsótti Giljaskóla og leikskólann Kiðagil. Gengið var um húsnæði skólanna og starfsemin kynnt. Um kynninguna sáu skólastjórar skólanna Jón Baldvin Hannesson í Giljaskóla og Inda Björk Gunnarsdóttir í Kiðagili.

<DIV></DIV>

Bæjarstjóri mætti á fundinn og gerði grein fyrir umsóknum um stöðu fræðslustjóra og áætluðu ráðningarferli.

<DIV></DIV>

Á fundinum var farið yfir markmið langtímaáætlunar skólanefndar.

<DIV><DIV></DIV></DIV>

Fyrir fundinn var lagt fram til kynningar stöðumat í rekstri málaflokksins eftir fyrstu sex mánuði ársins.

<DIV><DIV><DIV></DIV></DIV></DIV>

Foreldrar leikskólabarna í Grímsey óska eftir að leikskóladeildin verði opin í 6 tíma á dag 5 daga vikunnar frá haustinu 2014. Alls verða 5 börn á deildinni og munu sölutímar verða um 27 tímar ef af þessu verður.

<DIV>Skólanefnd samþykkir erindið fyrir sitt leyti.</DIV>

Erindi dagsett 24. júlí 2014 vegna verkefnisins "Göngum í skólann". Þar eru stjórnendur sveitarfélaga hvattir til að hvetja skóla á sínu svæði til þátttöku og auðvelda foreldrum og börnum að velja virkan ferðamáta. Það má gera t.d. með því að tryggja öryggi barna í umferðinni með virkum aðgerðum. Verkefnið hefst 10. september næstkomandi.

<DIV><DIV>Skólanefnd hvetur grunnskólana á Akureyri til að taka virkan þátt  í verkefninu.</DIV></DIV>

Erindi dagsett 1. júlí 2014 frá Guðbjörgu Sesselju Jónsdóttur f.h. samtaka sjálfstæðra skóla. Þar er lýst áhyggjum af því að færra fagfólk sækir í störf í leikskólum. Í ljósi þess er bent á að starfsheitið leikskólaliði er ekki talið með fagfólki í öllum sveitarfélögum þegar gefið er upp hlutfall fagfólks í leikskólunum. Óskað er eftir því að sveitarfélög samræmi túlkun sína á því hvaða starfsheiti falla undir hugtakið fagfólk og fari þá eftir túlkun Reykjavíkurborgar og Hagstofu Íslands þar sem starfsheitið leikskólaliði er talið með fagfólki. Málið var áður á dagskrá skólanefndar 13. ágúst 2014.

<DIV>Skólanefnd þakkar fyrir erindið en samþykkir að vísa því til Sambands íslenskra sveitarfélaga.</DIV>