Skólanefnd - 13

Rekstur fræðslumála janúar til júní 2015. Árni Konráð Bjarnason rekstrarstjóri á skóladeild fór yfir stöðuna.

Sesselja Sigurðardóttir sérfræðingur á skóladeild kynnti niðurstöður úttektar á vinnu með læsi í leikskólum.

Arnarsíða-Bugðusíða, slysahætta á gatnamótum.

Erindi sem barst í viðtalstíma bæjarfulltrúa 21. maí 2015 og bæjarráð vísaði á fundi sínum 28. maí til fræðslustjóra.

Heimir Eggerz Jóhannsson fulltrúi foreldra grunnskólabarna vék af fundi undir þessum lið.

Skólanefnd tekur undir áhyggjur foreldra af slysahættunni á þessum stað. Skólanefnd óskar eftir því að framkvæmdadeild Akureyrarbæjar bregðist við sem allra fyrst með lausn í þeirri viðleitni að tryggja öryggi skólabarna í umferðinni á þessu svæði.

Þjóðarsáttmáli um læsi. Átak á vegum Mennta- og menningarmálaráðuneytis. Kynning.

Skólanefnd samþykkir þátttöku í átaki á vegum mennta- og menningarmálaráðuneytis um þjóðarsáttmála um læsi og hvetur Akureyrarbæ og íbúa til að taka heilshugar þátt í átakinu.

Þjóðarsáttmálinn samræmist vel áherslum skólanefndar og skólasamfélagsins á Akureyri.

Læsisátak í leik- og grunnskólum. Soffía Vagnsdóttir fræðslustjóri kynnti verkefnið.

Átakið Litbrigði læsis, læsi er lykillinn hefst með Menntabúðum, læsisráðstefnunni Litbrigði læsis, læsi er lykillinn, sem haldin verður í Brekkuskóla fimmtudaginn 13. ágúst 2015.