Skólanefnd - 11

Karl Frímannsson sat fundinn sem gestur.

Á fundinn mættu skólastjórnendur Tónlistarskólans á Akureyri, Hjörleifur Örn Jónsson og Kolbrún Jónsdóttir, samanber bókun á síðasta fundi skólanefndar og færðu frekari rökstuðning fyrir tillögu sinni um breytingar á gjaldskrá skólans.

<DIV><DIV><DIV><DIV>Skólanefnd samþykkir að vísa tillögunni til vinnu við gerð fjárhagsáætlunar 2013 og þá fari einnig fram umræða um grundvallarforsendur gjaldskrár Tónlistarskólans á Akureyri.</DIV></DIV></DIV></DIV>

Fyrir fundinn voru lagðar tillögur að viðmiðunarreglum vegna nemenda sem fá að stunda nám á tvö hljóðfæri, samanber bókun skólanefndar á fundi þann 4. maí sl.

<DIV><DIV>Skólanefnd samþykkir fyrirliggjandi tillögu samhljóða.</DIV></DIV>

Fyrir fundinn var lögð tillaga fræðslustjóra um að ráða Ernu Rós Ingvarsdóttur í starf leikskólastjóra við sameinaðan leikskóla Flúða og Pálmholts. Erna Rós mætti í ítarlegt viðtal með fræðslustjóra, leikskólafulltrúa og kjörnum fulltrúum í skólanefnd miðvikudaginn 30. maí sl.

<DIV><DIV>Skólanefnd samþykkir tillöguna samhljóða.</DIV></DIV>

Í samræmi við samþykkt skólanefndar og bæjarstjórnar um stjórnkerfisbreytingar í skólum Akureyrarbæjar frá því fyrr á þessu ári verða leikskólarnir Síðusel og Holtakot sameinaðir undir eina stjórn þar sem Sigríður Gísladóttir leikskólastjóri Holtakots hefur ákveðið að láta af störfum. Samkomulag hefur náðst við Snjólaugu Pálsdóttur leikskólastjóra í Síðuseli um að verða skólastjóri og þær Guðrúnu Hafdísi Óðinsdóttur og Sólrúnu Eyfjörð Torfadóttur um að verða aðstoðarskólastjórar, en þær hafa setið í þeirri stöðu í sitt hvorum skólanum til þessa.\nLagt fram til kynningar.

<DIV><DIV> </DIV></DIV>

Umræður um endurskoðun fjölskyldustefnu Akureyrarbæjar. Anna Sjöfn Jónasdóttir fulltrúi skólanefndar í vinnuhópi um endurskoðun fjölskyldustefnu kynnti vinnu hópsins.

<DIV><DIV><DIV>Skólanefnd þakkar Önnu Sjöfn Jónasdóttur fyrir kynninguna.</DIV></DIV></DIV>

Erindi dags. 22. apríl 2012 frá Bryndísi Valgarðsdóttur skólastjóra í Hlíðarskóla, þar sem reifuð er saga skólans, staða hans í dag dregin upp og óskað eftir viðræðum um svigrúm skólans til áframhaldandi þróunar og hvað gera beri í ljósi þróunar síðustu missera í eftirspurn eftir skólavist og þá einnig með hliðsjón af húsnæði og þróun þess.

<DIV><DIV>Skólanefnd felur fræðslustjóra í samráði við skólastjóra Hlíðarskóla, að greina betur þarfir skólans fyrir breytingar á aðstöðu og viðbætur með hliðsjón af óskum sem fram koma í erindinu.</DIV></DIV>

Fyrir fundinn var lögð tillaga um að staða ráðgjafa sem fjallað er um í skýrslu sem lögð var fyrir síðasta fund, verði staðsett á skóladeild. Tillagan kemur fram í kjölfar umræðna á fundi með skólastjórum grunnskólanna.

<DIV><DIV>Skólanefnd samþykkir tillöguna samhljóða.</DIV></DIV>

Fyrir fundinn voru lögð tilboð í skólaakstur fyrir grunnskóla Akureyrar en tilboðin voru opnuð miðvikudaginn 30. maí sl.

<DIV>Skólanefnd samþykkir samhljóða að fela fræðslustjóra og bæjarstjóra að ganga frá málinu með hliðsjón af umræðum á fundinum og áliti lögfræðinga þegar það liggur fyrir. </DIV>