Skipulagsráð - 421

Tillaga að breytingu á deiliskipulagi fyrir Glerá var auglýst frá 14. febrúar til og með 28. mars 2024. Tvær athugasemdir bárust á auglýsingatímanum ásamt umsögnum frá Umhverfisstofnun, Minjastofnun Íslands, Norðurorku og Vegagerðinni.

Skipulagsráð leggur til við bæjarstjórn að deiliskipulagsbreytingin verði samþykkt. Er skipulagsfulltrúa falið að útfæra drög að svörum.

Fylgiskjöl

• Glerá-240125_dsk_drog.pdf
• Umsögn Glerá Umhverfisstofnun.pdf
• Glerá göngubrú umsögn MI.pdf
• Svar NO - Glerá-tillaga að breyttri legu göngubrúar.pdf
• Umsogn, Glera gongubrur DSK Vegagerðin.pdf

Tillaga að breytingu á deiliskipulagi Verkmenntaskólans á Akureyri lögð fram að lokinni grenndarkynningu skv. 2. mgr. 43. gr. skipulagslaga nr. 123/2010. Kynningartíma lauk 3. apríl sl. og barst ein athugasemd sem er hér lögð fram ásamt tillögu að umsögn um efnisatriði athugasemdar.

Skipulagsráð samþykkir tillögu að umsögn um efni athugasemdar og jafnframt tillögu að breytingu á deiliskipulagi Verkmenntaskólans á Akureyri. Er skipulagsfulltrúa falið að sjá um gildistöku breytingarinnar.



Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• VMA_dsk-br_2024-02-07.pdf

Lögð fram tillaga að breytingu á deiliskipulagi fyrir lóðina Lautarmóa 1-5 til samræmis við erindi Tryggva Tryggvasonar f.h. HeiðGuðByggis ehf. dagsett 25. janúar 2024. Sú breyting er á tillögunni frá fyrri samþykkt skipulagsráðs að gert er ráð fyrir að heildarbyggingarmagn á lóðinni aukist um 507 fm.

Að mati skipulagsráðs er breytingin óveruleg skv. 2. mgr. 43. gr. skipulagslaga nr. 123/2010 og samþykkir að hún verði grenndarkynnt fyrir íbúum í Vestursíðu 20 til 38 ásamt lóðarhöfum Urðargils 10 - 14 skv. 44. gr. laganna.



Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Moahverfi-dsk-br_2024-04-03_A2-2000.pdf

Lagðar fram tvær tillögur að breytingu á deiliskipulagi sem nær til svæðis við Goðanes, milli lóða 3 og 5. Er í annarri gert ráð fyrir afmörkun einnar um 2.300 fm athafnalóðar en í hinni að afmarkaðar verði tvær athafnalóðir á svæðinu, önnur um 1.200 fm og hin um 1.000 fm.

Skipulagsráð telur að tillaga 1 falli betur að núverandi skipulagi og notkun hverfisins og felur skipulagsfulltrúa að láta útbúa breytingu á deiliskipulagi til samræmis við tillögu 1. Skipulagsráð felur jafnframt skipulagsfulltrúa að hefja vinnu við að kanna möguleika á hvort útbúa megi minni athafnalóðir innan bæjarmarkanna.

Fylgiskjöl

• A áfangi Krossaneshaga Goðanes 5 2024-03-21-A3.pdf

Erindi dagsett 27. mars 2024 þar sem byggingarfulltrúi óskar eftir umsögn skipulagsráðs um flóttastiga utan lóðarmarka.

Skipulagsráð samþykkir byggingaráformin og telur að skv. gildandi deiliskipulagi sé stiginn innan lóðar og því sé ekkert því til fyrirstöðu að gefið verði út byggingarleyfi fyrir framkvæmdinni þegar fullnægjandi gögn hafa borist byggingarfulltrúa.

Erindinu var frestað á fundi skipulagsráðs þann 12. mars sl. þar sem að óskað var eftir umsögnum Minjasafnsins á Akureyri og Minjastofnunar Íslands.

Skipulagsráð gerir ekki athugasemd við framlagða tillögu og vísar afgreiðslu málsins til byggingarfulltrúa.

Fylgiskjöl

• Helgamagrastræti 5 umsögn 21.3.24.pdf
• Alit MI dags 13 mars 2024.pdf
• Helgamagrastræti 5_fyrir_skipulagsrad.pdf

Lagt fram erindi dagsett 5. apríl 2024 þar sem Einar Páll Tamimi hrl., f.h. Kistu byggingarfélags, fer fram á að heimiluð verði breyting á deiliskipulagi lóðarinnar og að framkvæmdafrestur verði 1 ár frá gildistöku hennar.



Halla Björk Reynisdóttir L-lista vakti athygli á því að hún teldi sig vanhæfa til að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir skipulagsráð og var það samþykkt samhljóða.



Halla Björk Reynisdóttir vék af fundi við afgreiðslu málsins og í hennar stað sat Jón Þorvaldur Heiðarsson L-lista fundinn undir þessum lið.

Meirihluti skipulagsráðs samþykkir að veita umsækjanda frest til 5. september 2024 til að leggja fram tillögu að uppbyggingu á lóðinni. Forsenda slíkrar tillögu er að byggingarmagn fyrir verslun og þjónustu á jarðhæð haldist óbreytt frá gildandi deiliskipulagi. Í kjölfarið mun ráðið taka ákvörðun um breytingu á skipulagi svæðisins og þá jafnframt um framkvæmdafrest.



Helgi Sveinbjörn Jóhannsson M-lista situr hjá við afgreiðslu málsins.



Sunna Hlín Jóhannesdóttir B-lista óskar bókað eftirfarandi:

Tel ekki forsvaranlegt að taka aftur mál á dagskrá sem afgreitt var 28. febrúar síðastliðinn án þess að breytingar hafa orðið á forsendum. Vinnubrögð sem gefa ekki gott fordæmi.

Lögð fram til kynningar drög að samkomulagi um aukið framboð íbúðarhúsnæðis í Akureyrarbæ á tímabilinu 2023-2032 og fjármögnun uppbyggingar hagkvæmra íbúða og félagslegs húsnæðis.

Að mati skipulagsráðs eru fyrirliggjandi drög í samræmi við samþykkta húsnæðisáætlun og vísar frekari umræðum um samninginn til bæjarráðs.

Lagðir fram til kynningar úthlutunar- og útboðsskilmálar fyrir sérbýlislóðir í Móahverfi ásamt fylgigögnum.

Lögð fram til kynningar fundargerð 961. fundar, dagsett 4. apríl 2024, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.

Lögð fram til kynningar fundargerð 960. fundar, dagsett 27. mars 2024, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.