Skipulagsráð - 344

Lögð fram að nýju að lokinni grenndarkynningu skv. 44. gr. skipulagslaga nr. 123/2010 umsókn um leyfi til að byggja tveggja hæða íbúðarhús á lóðinni Móasíðu 1. Afgreiðslu málsins var frestað á fundi skipulagsráðs 9. september sl. Eru grenndarkynningargögn nú lögð fram ásamt innkomnum athugasemdum, greinargerð umsækjanda dagsettri 2. september 2020 og samþykki eigenda íbúða í Móasíðu 1 ásamt tillögu að umsögn um efni innkominna athugasemda.

Skipulagsráð frestar afgreiðslu. Þar sem um uppbyggingu í grónu hverfi er að ræða er sviðsstjóra skipulagssviðs falið að ræða við umsækjanda um fyrirhugaða útfærslu á hæð og stærð hússins.

Lagt fram að nýju erindi Evu Huldar Friðriksdóttur móttekið 30. júlí 2020 um hvort heimilt yrði að breyta húsi á lóðinni Lambhagavegur/Kríunes í Hrísey, sem nú er skráð sem gæludýrahús, í íbúðarhús eða frístundahús. Lóðin er 1738,8 m² að stærð og er í aðalskipulagi skilgreind sem athafnasvæði. Liggur nú fyrir umsögn hverfisráðs Hríseyjar dagsett 3. september 2020 þar sem mælst er til þess að skipulagið haldist óbreytt sem athafnasvæði og að heppilegra sé að uppbygging íbúðarbyggðar eigi sér stað þar sem búið er að skipuleggja íbúðarhúsalóðir.

Skipulagsráð tekur undir umsögn hverfisráðs og hafnar því að breyta skipulagi svæðisins úr athafnasvæði í íbúðarsvæði.

Fylgiskjöl

• Kríunes - bókun hverfisráðs Hríseyjar 3. september 2020.pdf

Byggingarfulltrúi óskar umsagnar skipulagsráðs um erindi dagsett 1. september 2020 þar sem Kári Magnússon fyrir hönd Norðurorku hf., kt. 550978-0169, sækir um byggingarleyfi fyrir 6 m mastri á spennistöð Norðurorku við Þingvallastræti, L149796.

Að mati skipulagsráðs felur uppsetning mastursins í sér að gerð verði breyting á deiliskipulagi svæðisins. Að mati ráðsins er slík breyting óveruleg skv. 2. mgr. 43. gr. skipulagslaga nr. 123/2010 en ekki er talin þörf á að grenndarkynna hana með vísun í heimild 2. ml. 3. mgr. 44. gr. laganna. Er sviðsstjóra skipulagssviðs falið að sjá um gildistöku breytingarinnar þegar fullnægjandi skipulagsuppdráttur liggur fyrir.

Fylgiskjöl

• Mastur_Þingvallastræti_aðaluppdr.

Erindi dagsett 14. september 2020 þar sem Tryggvi Tryggvason fyrir hönd B.E. Húsbygginga ehf., kt. 490398-2529, sækir um framkvæmdafrest til 1. maí 2021 á lóðinni nr. 57 við Kjarnagötu. Meðfylgjandi er rökstuðningur í bréfi.

Skipulagsráð samþykkir að veita framkvæmdafrest í samræmi við fyrirliggjandi erindi.

Erindi dagsett 9. september 2020 þar sem Anna Bragadóttir fyrir hönd Rarik ohf., kt. 520269-2669, sækir um stofnun lóðar úr landi Helgastaða í Grímsey.

Skipulagsráð samþykkir stofnun lóðarinnar með fyrirvara um að samþykki eigenda aðliggjandi lands, á hnitsetningu lóðarmarka, liggi fyrir.

Fylgiskjöl

• Lóðablað_spennistöðvarhús.pdf

Jón Björnsson kom í viðtalstíma bæjarfulltrúa. Vill fá að kaupa Ytra-Krossanes en þætti enn betra að fá að byggja á núverandi stað. Var fyrirspurninni vísað til afgreiðslu skipulagsráðs.

Að mati skipulagsráðs er Ytra-Krossanes framtíðar uppbyggingarsvæði fyrir Akureyri og er ekki mælt með að eignin verði seld.

Lögð fram umsókn Auðuns Þorsteinssonar dagsett 16. september 2020 þar sem óskað er eftir að breyta notkun Byggðavegar 114A í íbúðir.

Að mati skipulagsráðs samræmist það ekki skipulagi að breyta húsinu í íbúðir og hafnar því erindinu.

Lögð fram fyrirspurn Hestamannafélagsins Léttis dagsett 17. september 2020 um byggingu á yfirbyggðu hringgerði í Breiðholtshverfinu. Er gert ráð fyrir að gerðið geti verið allt að 18 metrar í þvermál og eru settir fram þrír möguleikar á staðsetningu.

Skipulagsráð heimilar umsækjanda að leggja fram tillögu að breytingu á deiliskipulagi þar sem gert er ráð fyrir yfirbyggðu hringgerði á svæði a eða b. Breytingin verði unnin í samræmi við 1. mgr. 41. gr. skipulagslaga nr. 123/2010 og er sviðsstjóra skipulagssviðs falið að auglýsa breytinguna þegar fullnægjandi skipulagsuppdráttur hefur borist.

Fylgiskjöl

• Reiðgerði - 180531-Reiðgerði.pdf
• forgangsröðun hringgerði..pdf

Lögð fram fyrirspurn Fanneyjar Hauksdóttur, f.h. Akureyrarbæjar, dagsett 11. september 2020 um heimild til að byggja nýtt 28 fm anddyri við kjallara A-álmu Lundarskóla.

Skipulagsráð gerir ekki athugasemd við byggingu á nýju anddyri í samræmi við fyrirspurn. Að mati ráðsins er um svo óverulegt frávik frá deiliskipulagi að ræða að ekki er talin þörf á breytingu á deiliskipulagi, sbr. heimild í 3. mgr. 43. gr. skipulagslaga nr. 123/2010.

Fylgiskjöl

• Lundarskóli teikningar 200911.pdf

Fulltrúar Norðurtorgs ehf., Pétur Bjarnason og Baldur Ó. Svavarsson, kynntu hugmyndir að uppbyggingu á lóðinni Austursíðu 2.

Skipulagsráð þakkar gestum fundarins fyrir kynninguna.

Erindi dagsett 17. september 2020 þar sem Sara Ómarsdóttir fyrir hönd umhverfis- og mannvirkjasviðs Akureyrarbæjar sækir um framkvæmdaleyfi fyrir endurgerð stíga og breytinga á Krókeyri. Breyta á hámarkshraða í götunni í 30 km/klst. samkvæmt deiliskipulagi. Leggja þarf lagnir og niðurföll, jarðvegsskipta, endurnýja ljósastaura ásamt hellulagningu, gróðursetningu plantna og fleira.

Skipulagsráð hefur yfirfarið meðfylgjandi hönnunargögn vegna framkvæmda við Krókeyri og samþykkir útgáfu framkvæmdaleyfisins.

Eftirfarandi skilyrði setur skipulagsráð fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

Fylgiskjöl

• Framkvæmdaleyfi-Krókeyri gata og stígur 2020_2021.pdf
• 15104-KRE.C71.011-1 (ID 168778).pdf
• 15104-KRE.C71.012-1 (ID 168782).pdf
• 15104-KRE.C71.013-1 (ID 168779).pdf

Sviðsstjóri skipulagssviðs fór yfir stöðu mála í rekstri sviðsins fyrstu 8 mánuði ársins 2020.

Sviðsstjóri skipulagssviðs kynnti drög að fjárhagsáætlun fyrir skipulagssvið fyrir árið 2021.

Umhverfis- og auðlindaráðuneytið kynnir til samráðs mál nr. 190_2020, drög að frumvarpi til laga um breytingu á skipulagslögum nr. 123/2010.

Þess er óskað að undirrituð umsögn berist eigi síðar en 1. október 2020 nk. á samradsgatt/island.is.

Skipulagsráð gerir ekki athugasemdir við frumvarpsdrögin.

Lögð fram til kynningar fundargerð 781. fundar, dagsett 11. september 2020, með fullnaðarafgreiðslum erinda. Fundargerðin er í 15 liðum og er að finna á heimasíðu Akureyrarbæjar.