Skipulagsráð - 435

Erindi dagsett 22. nóvember 2024 þar sem að Ágúst Hafsteinsson fh. Norðurorku sækir um deiliskipulagsbreytingu fyrir Skólastíg 6. Breytingin felst í að Norðurorka þarf að færa spennistöð út úr sundlaugarbyggingunni og að norðurhlið gömlu sundlaugarbyggingarinnar. Norðurorka fyrirhugar að setja niður tilbúna spennistöð og hylja hana með samskonar grindverki og einangrar sundlaugina frá Þingvallastræti.

Skipulagsráð frestar afgreiðslu og óskar eftir vandaðri útfærslu. Að mati ráðsins er ekki heppilegt að útbúin verði lausn sem hylur tilbúna einingu og óskar eftir því að spennistöðin verði hönnuð og útfærð til samræmis við gömlu sundlaugarbygginguna sem hönnuð er af Guðjóni Samúelssyni.

Fylgiskjöl

• Skólastígur Akureyri 21 11 2024 deiliskipulagstillaga.pdf
• Sundlaug Ak tillögur að framl á girðingu v spennist 2024-11-19.pdf
• Erindi með ums v dsk tillögu v Skólastígs 6 2024-11-21.pdf

Erindi dagsett 15. nóvember 2024 þar sem að Áskell Viðar Bjarnason óskar eftir breytingu á deiliskipulagi fyrir lóðina Bjarkarlundur 2. Í kjölfar jarðvegskannana hefur verið ákveðið að byggja húsið á súlum og hætt við að hafa bílskúr hálf niðurgrafinn. Þetta felur í sér að húsið hækkar að hluta (ofan við bílskúr) umfram gildandi skilmála um hámarkshæð, þ.e. verður 5,85 m í stað 5,0 m.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum í Bjarkarlundi 4, Reynilundi 1 og 3 ásamt Grenilundi 21 og 23.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Bjarkarlundur-gr-A 101.pdf
• Bjarkarlundur-ut-sn-A 102.pdf

Lagt fram að nýju erindi dagsett 5. september 2024 þar sem að Haraldur Sigmar Árnason fh. Fjölnis ehf. óskar eftir deiliskipulagsbreytingu fyrir Hafnarstræti 18.

Óskað er eftir að breyta húsnæði úr íbúðarhúsnæði í atvinnuhúsnæði fyrir gististarfsemi.

Málið var grenndarkynnt skv. skv. 2. mgr. 43. gr. skipulagslaga nr. 123/2010 frá 25. október til 22. nóvember 2024 og barst ein athugasemd á grenndarkynningartímanum. Fyrir liggur tillaga að umsögn um efni athugasemdar.

Meirihluti skipulagsráðs samþykkir breytingu á deiliskipulagi þar sem Hafnarstræti 18 er breytt í atvinnuhúsnæði, enda samræmist breytingin gildandi stefnu aðalskipulags um rekstrarleyfisskylda gististarfsemi á íbúðarsvæðum.

Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.



Jón Hjaltason óflokksbundinn situr hjá við afgreiðslu málsins.

Fylgiskjöl

• Hafnarstræti 18_umsögn um athugasemd.pdf

Lagt fram að nýju erindi dagsett 5. september 2024 þar sem að Haraldur Sigmar Árnason fh. Húsmóta ehf. óskar eftir að fá að breyta deiliskipulagi fyrir lóðina Hafnarstræti 37.

Á 431. fundi skipulagsráðs þann 25. september 2024 tók skipulagsráð jákvætt í erindið en frestaði afgreiðslu þar til umsagnir Minjasafnsins á Akureyri, Minjastofnunar Íslands og Veðurstofu Íslands bærust.

Nú liggja þessar umsagnir fyrir. Borist hafa viðbrögð umsækjanda við umsögnum og hefur verið komið til móts við umsagnir að stórum hluta.

Skipulagsráð samþykkir að gerð verði breyting á deiliskipulagi með þeim breytingum sem fram koma í uppfærðri tillögu. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Hafnarstrætis 30, 34, 35 og 39.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Hafnarstræti 37 - skipulagsráð 2024.pdf
• Hafnarstræti 37.pdf
• Hafnarstræti 37. Umsögn Minjasafns v. deiliskipulags 19.11.24.pdf
• Umsögn - Akureyrarbær - Hafnarstræti 37 - svar VÍ.pdf
• Umsögn Minjastofnunar um deiliskipulag.pdf
• Hafnarstræti 37 - skipulagsráð 2024 - breyting A.pdf
• Hafnarstræti 37.pdf

Erindi dagsett 14. nóvember 2024 þar sem að Sigríður Valgerður Jónsdóttir sækir um stæðiskort fyrir hreyfihamlaða fyrir utan húsið að Sólvöllum 17.

Skipulagsráð frestar afgreiðslu þar til að öll nauðsynleg gögn liggja fyrir.

Hrafnkell Fannar Magnússon átti hæsta tilboð í lóðina Háamóa 12 og hefur verið staðfest að hann vill halda lóðinni. Tilskildum gögnum hefur verið skilað inn.

Skipulagsráð samþykkir úthlutunina. Deiliskipulagsskilmálar ásamt almennum byggingarskilmálum gilda.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Lögð fram tillaga að útboðsskilmálum fyrir lóðina Gránufélagsgata 24. Lóðin var auglýst með auglýsingu sem birtist 27. mars 2024. Skipulagsfulltrúa bárust aldrei tilskilin gögn og féll lóðin því til baka til bæjarins.

Skipulagsráð leggur til við bæjarráð að lóðin verði auglýst með útboði til samræmis við fyrirliggjandi útboðsskilmála.

Lögð fram tillaga að fundaáætlun skipulagsráðs fyrir árið 2025.

Skipulagsráð samþykkir fyrirliggjandi tillögu að fundaáætlun skipulagsráðs fyrir árið 2025.

Fylgiskjöl

• Fundaáætlun_2025.pdf

Lögð fram uppfærð drög að breytingu á gjaldskrá gatnagerðar- og byggingarréttargjalda.

Afgreiðslu frestað til næsta fundar skipulagsráðs.

Lögð fram uppfærð drög að endurskoðun húsnæðisáætlunar fyrir Akureyrarbæ.

Afgreiðslu frestað til næsta fundar skipulagsráðs.

Lögð fram til kynningar fundargerð 992. fundar, dagsett 8. nóvember 2024, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.

Lögð fram til kynningar fundargerð 993. fundar, dagsett 15. nóvember 2024, með fullnaðarafgreiðslum erinda. Fundargerðin er í 2 liðum og er að finna á heimasíðu Akureyrarbæjar.

Lögð fram til kynningar fundargerð 994. fundar, dagsett 21. nóvember 2024, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.