Skipulagsráð - 350

Lögð fram til kynningar uppfærð fjárhagsáætlun skipulagssviðs fyrir árið 2021.

Lögð fram uppfærð starfsáætlun skipulagssviðs fyrir árið 2021.

Skipulagsráð samþykkir starfsáætlun skipulagssviðs fyrir árið 2021.

Lögð fram að lokinni kynningu skv. 2. mgr. 30. gr. skipulagslaga nr. 123/2010, tillaga að breytingu á aðalskipulagi Akureyrar 2018-2030 sem nær til tjaldsvæðisreits við Þingvallastræti og lóðar nr. 20 við Skarðshlíð. Barst eitt athugasemdabréf og ein umsögn á kynningartíma.

Skipulagsráð leggur til við bæjarstjórn að aðalskipulagsbreytingin verði auglýst skv. 1. mgr. 31. gr. skipulagslaga nr. 123/2010.

Lagðar fram til kynningar tillögur að staðsetningu heilsugæslustöðvar við núverandi bílastæði með aðkomu frá Byggðavegi.

Lagt fram til kynningar.

Lögð fram að lokinni kynningu tillaga að breytingu á deiliskipulagi miðbæjar Akureyrar ásamt athugasemdum og umsögnum sem hafa borist.

Skipulagsráð frestar afgreiðslu.

Lögð fram að nýju drög að rammaskipulagi fyrir íbúðarsvæði vestan Borgarbrautar.

Skipulagsráð tilnefnir Þórhall Jónsson D-lista, Arnfríði Kjartansdóttur V-lista og Orra Kristjánsson S-lista í vinnuhóp við gerð rammaskipulags fyrir íbúðarsvæði vestan Borgarbrautar og í kjölfarið gerð deiliskipulags fyrir svæðið í heild eða hluta. Skipulagsráð samþykkir jafnframt erindisbréf fyrir vinnuhópinn.

Erindi dagsett 11. desember 2020 þar sem Norðurtorg ehf. sækir um breytingu á deiliskipulagi fyrir lóðina Austursíðu 2. Í breytingunni felst eftirfarandi:

1. Ný viðbótar aðkoma með inn- og útkeyrslu frá Austursíðu.

2. Byggingareitur aðalbyggingar framlengdur til suðurs, framyfir samþykkt skyggni framan við verslanarýmin.

3. Byggingareitur aðalbyggingar stækkaður fyrir glerbyggingu sem yfirbyggt útisvæði verslunar.

4. Gerður nýr byggingareitur fyrir allt að 300 m² þjónustuhús á lóðarmörkum við Austursíðu.

5. Gerður nýr byggingareitur fyrir svæði fyrir hraðhleðslustöðvar með tilheyrandi spennistöð.

Skipulagsráð leggur til við bæjarstjórn að deiliskipulagsbreytingin verði auglýst skv. 1. mgr. 41. gr. skipulagslaga nr. 123/2010 með smávægilegum lagfæringum á uppdrætti.

Erindi dagsett 22. desember 2020 þar sem Árni Grétar Árnason fyrir hönd Fakta Bygg ehf. leggur inn fyrirspurn varðandi mögulegan byggingarreit við Miðhúsabraut, ofan skautahallarinnar.

Skipulagsráð hafnar því að breyta skipulagi svæðisins í íbúðarsvæði vegna óvissu um byggingarhæfi svæðisins.

Fylgiskjöl

• 3D.pdf
• SITUASJONSPLAN.pdf

Erindi dagsett 16. desember 2020 þar sem Aðalsteinn Svan Hjelm leggur inn fyrirspurn varðandi byggingu bílgeymslu á lóð nr. 11 við Oddeyrargötu.

Skipulagsráð heimilar umsækjanda að láta útbúa breytingu á deiliskipulagi í samræmi við erindi. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og felur sviðsstjóra skipulagssviðs að grenndarkynna tillöguna fyrir eigendum Bjarmastígs 1 og 3.

Fylgiskjöl

• Oddeyrargata 11 - Bílskúr - Grunnmynd.pdf
• Oddeyrargata 11.pdf

Byggingarfulltrúi óskar umsagnar skipulagsráðs um erindi dagsett 1. desember 2020 þar sem Sigbjörn Kjartansson fyrir hönd Sigurgeirs Benjamínssonar sækir um byggingaleyfi fyrir að byggja ofan á hús nr. 11 við Eiðsvallagötu ásamt bílgeymslu og bílskýli á lóð. Á fundi skipulagsráðs 26. ágúst 2020 var tekin til afgreiðslu sambærileg umsókn um byggingarleyfi sem var samþykkt með fyrirvara um samþykki eigenda aðliggjandi lóða. Í þeirri umsókn sem nú liggur fyrir er gerð sú breyting að bílskúr hefur verið færður um 2 m frá lóðarmörkum Ægisgötu 2 og gert er ráð fyrir yfirbyggðu bílastæði framan við bílgeymslu.

Skipulagsráð samþykkir að grenndarkynna umsóknina skv. 44. gr. skipulagslaga nr. 123/2010 fyrir eigendum Ægisgötu 2, með fyrirvara um að fyrir liggi samþykki eigenda Hríseyjargötu 13 þar sem fyrirhugaður bílskúr er á lóðamörkum.

Fylgiskjöl

• Eiðsvallagata11_uppdrættir.

Erindi dagsett 7. desember 2020 þar sem BF Byggingar ehf. sækja um lóð nr. 29 við Sómatún. Meðfylgjandi er yfirlýsing viðskiptabanka. Umsækjandi fyrirhugar að sækja um breytt deiliskipulag lóðarinnar til að fá að byggja 3ja íbúða raðhús.

Skipulagsráð samþykkir að veita umsækjanda lóðina og heimilar umsækjanda að leggja fram tillögu að breytingu á deiliskipulagi. Breytingin verði unnin í samræmi við 2. mgr. 43. gr. skipulagslaga nr. 123/2010.

Erindi dagsett 8. desember 2020 þar sem Þórir Arnar Kristjánsson sækir um lóð nr. 11 við Nonnahaga.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Erindi dagsett 15. desember 2020 þar sem Noam Almosnino og Isa Almosnino sækja um lóð nr. 48 við Austurveg. Fyrir liggur yfirlýsing viðskiptabanka.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Erindi dagsett 19. desember 2020 þar sem Byggingafélagið Stafninn ehf. sækir um lóð nr. 1 við Goðanes.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Erindi dagsett 24. desember 2020 þar sem Alexander Benediktsson sækir um lóð nr. 5 við Nonnahaga með fyrirvara um breytingu á gatnagerðargjöldum þar sem stefnt er að byggja töluvert minna hús en heimilt er á lóðinni.

Skipulagsráð hafnar erindinu en felur sviðsstjóra skipulagssviðs að skoða breytingu á lóðum Nonnahaga 1, 3 og 5 og nýtingarhlutfalli þeirra.

Erindi dagsett 6. janúar 2021 þar sem Geirþrúðarhagi 6 ehf. sækir um lóð nr. 1 við Margrétarhaga.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Erindi dagsett 2. janúar 2021 þar sem Siguróli Magni Sigurðsson fyrir hönd Knattspyrnufélags Akureyrar sækir um endurnýjun skiltis við Þingvallastræti/Dalsbraut.

Skipulagsráð frestar afgreiðslu og felur sviðsstjóra skipulagssviðs að afla meiri upplýsinga.

Erindi dagsett 9. desember 2020 þar sem Tomasz Piotr Kujawski leggur fram fyrirspurn um stöðuleyfi fyrir samlokusjálfsala við hlið núverandi pylsuvagns í Hafnarstræti.

Skipulagsráð samþykkir ekki leyfi fyrir samlokusjálfsala á þessum stað.

Fylgiskjöl

• sjálfsali.jpg
• thumbnail_image0.jpg

Erindi dagsett 7. janúar 2021 þar sem Dagfríður Guðrún Arnardóttir sækir um lóð nr. 18 við Goðanes. Meðfylgjandi er yfirlýsing viðskiptabanka.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Erindi Eiríks H. Haukssonar dagsett 6. janúar 2021, f.h. Búfesti hsf., þar sem óskað er eftir fresti til framkvæmda við parhús við Skarðshlíð 23-25 til 20. apríl 2021.

Skipulagsráð samþykkir að veita framkvæmdafrest til samræmis við fyrirliggjandi erindi.

Erindi Eiríks H. Haukssonar dagsett 6. janúar 2021, f.h. Búfesti hsf., þar sem óskað er eftir fresti til framkvæmda við fjölbýlishús við Skarðshlíð 31 til 20. apríl 2021.

Skipulagsráð samþykkir að veita framkvæmdafrest til samræmis við fyrirliggjandi erindi.

Erindi dagsett 8. janúar 2021 þar sem Sigurgeir Svavarsson ehf. sækir um framkvæmdafrest á lóðinni nr. 9-15 við Steindórshaga til 1. júní 2021. Fresturinn rennur út 27. febrúar nk.

Skipulagsráð samþykkir að veita framkvæmdafrest til samræmis við fyrirliggjandi erindi.

Lögð fram til kynningar fundargerð 793. fundar, dagsett 3. desember 2020, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

Lögð fram til kynningar fundargerð 794. fundar, dagsett 10. desember 2020, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Lögð fram til kynningar fundargerð 795. fundar, dagsett 21. desember 2020, með fullnaðarafgreiðslum erinda. Fundargerðin er í 11 liðum og er að finna á heimasíðu Akureyrarbæjar.

Lögð fram til kynningar fundargerð 796. fundar, dagsett 7. janúar 2021, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.