Skipulagsráð - 388

Ingólfur Freyr Guðmundsson hjá Kollgátu ehf. arkitektastofu kynnti tillögu að breytingu á deiliskipulagi miðbæjar sem nær til lóðarinnar Glerárgötu 7. Í breytingunni felst eftirfarandi:

1. Hámarks þakhæð fer úr 16,2 m í 21,5 m og hámarksfjöldi hæða verður 6 í stað 5 og verður efsta hæðin inndregin.

2. Byggingarmagn bílakjallara verður 905 m² í stað 800 m².

3. Nýtingarhlutfall lóðar hækkar úr 2,6 í 3,55.

4. Byggingarreitir hótels og bílakjallara stækka.

Skipulagsráð þakkar fyrir kynninguna. Afgreiðslu frestað.

Fylgiskjöl

• sept 2022_05_16_039_Glerárgata 7_DSK_003-3.pdf
• Glerárgata 7_mögulegt útlit.pdf
• 05_16_039_Glerárgata 7_3D-Skuggavarp mars-juni-september SAMANBURDUR-compressed.pdf

Helgi Mar Hallgrímsson hjá Nordic arkitektastofu kynnti vinningstillögu að skipulagi Torfunefsbryggju ásamt drögum að breytingu á deiliskipulagi miðbæjar Akureyrar til samræmis.

Jóhanna Helgadóttir og Vilhjálmur Leví Egilsson hjá Nordic arkitektastofu, Sigríður María Róbertsdóttir hjá Hafnasamlagi Norðurlands og Pétur Ólafsson hafnarstjóri sátu fundinn undir þessum dagskrárlið.

Skipulagsráð þakkar fyrir kynninguna.

Fylgiskjöl

• Torfunef_Bæklingur_296062.pdf

Jóhanna Helgadóttir hjá Nordic arkitektastofu kynnti fyrstu drög að lýsingu fyrir endurskoðun deiliskipulags fyrir tjaldsvæðisreit sem afmarkast af Þórunnarstræti, Hrafnagilsstræti, Byggðavegi og Þingvallastræti.

Helgi Mar Hallgrímsson og Vilhjálmur Leví Egilsson hjá Nordic arkitektastofu sátu fundinn undir þessum dagskrárlið.

Skipulagsráð þakkar fyrir kynninguna.

Lögð fram endurbætt tillaga Verkís verkfræðistofu og Form ráðgjafar að breytingu á deiliskipulagi B-áfanga Krossaneshaga vegna áforma við Sjafnarnes.

Tillagan kallar á breytingu á aðalskipulagi sem felst í minniháttar stækkun á iðnaðarsvæði.

Skipulagsráð leggur til við bæjarstjórn að hún samþykki framlagða tillögu að breytingu á deiliskipulagi og að hún verði auglýst skv. 41. gr. skipulagslaga nr. 123/2010. Skipulagsráð leggur jafnframt til við bæjarstjórn að hún samþykki breytingu á Aðalskipulagi Akureyrar 2018-2030 til samræmis við breytingu á deiliskipulagi. Að mati skipulagsráðs er um óverulega breytingu að ræða í samræmi við 2. mgr. 36. gr. skipulagslaga þar sem breytingin hefur hvorki í för með sér verulegar breytingar á landnotkun né er hún líkleg til að hafa áhrif á einstaka aðila eða stór svæði.

Lögð fram tillaga á vinnslustigi frá Eflu verkfræðistofu að deiliskipulagi fyrir Tryggvabraut og atvinnusvæði norðan hennar. Kynningu á tillögunni lauk þann 15. ágúst sl.

Fjórar athugasemdir bárust. Umsagnir bárust frá Norðurorku, umhverfis- og mannvirkjasviði Akureyrarbæjar, Minjastofnun Íslands og Hafnasamlagi Norðurlands.

Málið var áður á dagskrá skipulagsráðs þann 14. september sl. og var afgreiðslu þess frestað til næsta fundar ráðsins.

Skipulagsráð leggur til við bæjarstjórn að framlögð tillaga verði auglýst skv. 41. gr. skipulagslaga nr. 123/2010 með breytingum sem fram koma í meðfylgjandi skjali. Þá leggur skipulagsráð til við nafnanefnd að hún leggi fram tillögur að heiti á götu sem merkt er A-stígur á skipulagsuppdrætti.

Lögð fram tillaga Landslags ehf. á vinnslustigi að deiliskipulagi fyrir Hvannavelli 10 - 14 ásamt umsögn Norðurorku um tillöguna.

Tillagan var send lóðarhöfum innan svæðisins til umsagnar, engar ábendingar bárust.

Skipulagsráð samþykkir framlagða tillögu á vinnslustigi og að hún verði kynnt skv. 4. mgr. 40. gr. skipulagslaga nr. 123/2010. Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Lögð fram tillaga Landslags ehf. að breytingu á deiliskipulagi Síðuskóla. Tillagan gerir ráð fyrir stækkun skipulagssvæðisins til vesturs að Vestursíðu, afmörkun lóðar fyrir nýtt hjúkrunarheimili á suðvesturhluta svæðisins og nýjum leikskóla sem tengist Síðuskóla á norðvesturhluta svæðisins.

Skipulagsráð samþykkir að kynna drög að tillögu að breytingu á deiliskipulagi Síðuskóla skv. 4. mgr. 40. gr. skipulagslaga nr. 123/2010. Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 1. febrúar 2022 þar sem Teitur Björgvinsson leggur inn fyrirspurn varðandi staðsetningu hákarlaverkunar í Saltnesi í Hrísey.

Skipulagsráð tekur jákvætt í erindið og felur skipulagsfulltrúa að ræða framhald málsins við umsækjanda, hverfisráð Hríseyjar og umhverfis- og mannvirkjasvið Akureyrarbæjar.

Erindi dagsett 26. júlí 2022 þar sem Kista byggingarfélag sækir um lóð nr. 13 við Naustagötu.

Meðfylgjandi er greinargerð um byggingaráform ásamt yfirlýsingu viðskiptabanka.

Erindið var áður á dagskrá skipulagsráðs þann 14. september sl. og var afgreiðslu frestað.

Halla Björk Reynisdóttir L-lista bar upp vanhæfi við afgreiðslu málsins og var það samþykkt. Vék hún af fundi undir umræðum og við afgreiðslu máls.

Þórhallur Jónsson D-lista og Helgi Sveinbjörn Jóhannsson M-lista lögðu fram eftirfarandi tillögu:

Skipulagsráð samþykkir erindið og heimilar umsækjanda að leggja fram tillögu að breytingu á deiliskipulagi fyrir lóðina í samræmi við umsókn.

Tillagan var borin upp til atkvæða. Þórhallur Jónsson D-lista og Helgi Sveinbjörn Jóhannsson M-lista greiddu atkvæði með tillögunni. Hilda Jana Gísladóttir S-lista og Skarphéðinn Birgisson F-lista greiddu atkvæði gegn tillögunni.



Hilda Jana Gísladóttir S-lista, Skarphéðinn Birgisson F-lista og Sif Jóhannesar Ástudóttir V-lista lögðu fram eftirfarandi tillögu:

Skipulagsráð hafnar erindinu en felur skipulagsfulltrúa að útfæra tillögu að nýjum útboðsskilmálum fyrir lóðina.

Tillagan var borin upp til atkvæða. Þórhallur Jónsson D-lista og Helgi Sveinbjörn Jóhannsson M-lista greiddu atkvæði gegn tillögunni. Hilda Jana Gísladóttir S-lista og Skarphéðinn Birgisson F-lista greiddu atkvæði með tillögunni.



Úthlutun lóðarinnar er því synjað.



Þórhallur Jónsson D-lista, Helgi Sveinbjörn Jóhannsson M-lista og Sunna Hlín Jóhannesdóttir B-lista óska bókað að þau telji rétt að úthluta lóðinni til Kistu byggingarfélags og heimila þeim að leggja fram tillögu að breytingu á deiliskipulagi fyrir lóðina í samræmi við umsókn, enda hafi aðrir aðilar ekki sýnt lóðinni áhuga og íbúar kallað eftir verslun í hverfinu sem nú er nánast fullbyggt.



Hilda Jana Gísladóttir S-lista, Skarphéðinn Birgisson F-lista og Sif Jóhannesar Ástudóttir V-lista óska bókað eftirfarandi: Við teljum heppilegra að fela skipulagsfulltrúa að útfæra tillögu að nýjum útboðsskilmálum fyrir lóðina, enda teljum við æskilegt að lóðin verði skilgreind sem þróunarlóð og að öllum sé gefinn jafn kostur á því að sækjast eftir lóðinni á breyttum forsendum. Mikilvægt er að opinbert stjórnvald gæti jafnræðis þegar horft er til úthlutunar á takmörkuðum gæðum.

Lagður fram til kynningar úrskurður Úrskurðarnefndar umhverfis- og auðlindamála í máli nr. 67/2022 varðandi kæru á ákvörðun bæjarstjórnar Akureyrar um að samþykkja breytingu á deiliskipulagi miðbæjar Akureyrar og ákvörðun byggingarfulltrúa Akureyrar um að veita byggingarleyfi fyrir fjölbýlishúsi á lóð nr. 2 við Hofsbót.

Niðurstaða úrskurðarnefndar er að kröfu kærenda um ógildingu deiliskipulagsbreytingar er vísað frá skv. 28. gr. stjórnsýslulaga nr. 37/1993 og kröfu um ógildingu byggingarleyfis er hafnað.

Fylgiskjöl

• ÚUA_14.9.2022_úrskurður

Samkvæmt deiliskipulagi Jaðarsvallar er afmarkaður reitur fyrir byggingu hótels sem geti verið með allt að 100 herbergi, ráðstefnuaðstöðu auk annarrar afþreyingar og þjónustuaðstöðu. Er reiturinn í suður og austur frá núverandi golfskála.

Skipulagsráð samþykkir að fela skipulagsfulltrúa að vinna að gerð útboðsskilmála í samvinnu við forsvarsmenn Golfklúbbs Akureyrar þannig að auglýsa megi byggingarrétt fyrir hótelið sem fyrst.

Lögð fram starfsáætlun skipulags- og byggingarmála fyrir árið 2023.

Skipulagsráð samþykkir framlagða starfsáætlun fyrir árið 2023 með breytingum sem ræddar voru á fundinum.

Lögð fram til kynningar fundargerð 881. fundar, dagsett 15. september 2022, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.

Lögð fram til kynningar fundargerð 882. fundar, dagsett 22. september 2022, með fullnaðarafgreiðslum erinda. Fundargerðin er í 2 liðum og er að finna á heimasíðu Akureyrarbæjar.