Skipulagsráð - 330

Lögð fram að lokinni kynningu skv. 2. mgr. 30. gr. skipulagslaga nr. 123/2010 tillaga að breytingu á aðalskipulagi 2018-2030 sem felur í sér breytingu á stefnu varðandi heimildir fyrir rekstrarleyfisskylda gististarfsemi á íbúðarsvæðum. Engar athugasemdir bárust á kynningartíma.

Skipulagsráð leggur til við bæjarstjórn að aðalskipulagsbreytingin verði auglýst samkvæmt 1. mgr. 31. gr. skipulagslaga nr. 123/2010 og feli skipulagssviði að senda breytinguna til athugunar Skipulagsstofnunar.

Erindi dagsett 10. janúar 2020 þar sem Steinmar Heiðar Rögnvaldsson fyrir hönd Fjölnis ehf., kt. 530289-2069, sækir um breytt deiliskipulag fyrir lóð nr. 2 við Jóninnuhaga. Óskað er eftir að nýtingarhlutfall verði hækkað úr 0,510 í 0,550 og að bílastæðalóð verði stækkuð fyrir bílastæði úr 96,0 m² í 129,6 - 141,6 m². Meðfylgjandi er skýringaruppdráttur og í umsókn er sett fram tillaga um skiptingu hússins í íbúðartegundir miðað við 7 eða 8 íbúðir.

Skipulagsráð samþykkir að gera breytingu á deiliskipulagi lóðarinnar til samræmis við fyrirliggjandi erindi, miðað við að það verði 7 íbúðir í húsinu, þar af a.m.k. ein 5 herbergja. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og samþykkir að hún verði grenndarkynnt skv. 44. gr. laganna þegar fullnægjandi skipulagsgögn liggja fyrir.

Fylgiskjöl

• Jóninnuhagi 2 - umsókn
• Jóninnuhagi 2 - fylgibréf
• Jóninnuhagi 2 - skýringaruppdráttur

Erindi dagsett 10. janúar 2020 þar sem Steinmar Heiðar Rögnvaldsson fyrir hönd BF Bygginga ehf., kt. 621116-2230, sækir um breytt deiliskipulag fyrir lóð nr. 4 við Jóninnuhaga. Óskað er eftir að nýtingarhlutfall verði hækkað úr 0,510 í 0,550 og að bílastæðalóð verði stækkuð fyrir bílastæði úr 96,0 m² í 129,6 - 141,6 m². Meðfylgjandi er skýringaruppdráttur og í umsókn er sett fram tillaga um skiptingu hússins í íbúðartegundir miðað við 7 eða 8 íbúðir.

Skipulagsráð samþykkir að gera breytingu á deiliskipulagi lóðarinnar til samræmis við fyrirliggjandi erindi, miðað við að það verði 7 íbúðir í húsinu, þar af a.m.k. ein 5 herbergja. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og samþykkir að hún verði grenndarkynnt skv. 44. gr. laganna þegar fullnægjandi skipulagsgögn liggja fyrir.

Fylgiskjöl

• Jóninnuhagi 4 - umsókn
• Jóninnuhaga 4 - fylgibréf
• Jóninnuhagi 4 - skýringaruppdráttur

Lögð fram að nýju að lokinni auglýsingu, tillaga að breytingu á deiliskipulagi fyrir Hafnarstræti 34. Tillagan er lögð fram ásamt umsögn Minjastofnunar dagsett 20. janúar 2020, tveimur athugasemdum sem bárust á kynningartíma og bréfi Þorgeirs Jónssonar arkitekts, fyrir hönd umsækjanda, þar sem fram koma viðbrögð við efni innkominna athugasemda og drög að aðaluppdráttum fyrirhugaðra húsa. Þá er einnig lögð fram tillaga sviðsstjóra skipulagssviðs að svörum við innkomnum athugasemdum.



Tillagan er lögð fram með þeirri breytingu að í skilmálum er sett ákvæði um að breidd húsa megi að hámarki vera 9 m og lengd 15 m.

Skipulagsráð leggur til við bæjarstjórn að tillagan verði samþykkt með breytingum á skilmálum til að koma á móts við innkomnar athugasemdir og jafnframt að umsögn um athugasemdir verði samþykkt.

Erindi dagsett 19. janúar 2020 þar sem V&L ehf., kt. 491117-1680, sækir um stækkun lóðar nr. 2 við Miðhúsaveg um 25 m til vesturs til að breyta ásýnd lóðarinnar með því að jafna svæðið, græða upp og raða trjám á lóðarmörk. Er stækkunin innan svæðis sem í aðalskipulagi er skilgreint sem athafnasvæði.

Þar sem stækkun lóðarinnar er innan svæðis sem skilgreint er sem athafnasvæði í aðalskipulagi og ekki er verið að gera ráð fyrir nýjum mannvirkjum, samþykkir skipulagsráð að lóðin verði stækkuð í samræmi við fyrirliggjandi erindi. Er samþykktin með skilyrði um að lóðin verði afmörkuð með hávöxnum gróðri og að ekki verði um frekari byggingar á lóðinni að ræða.

Fylgiskjöl

• Miðhúsavegur 2 - athafnarsvæði teikning
• Miðhúsavegur 2 - umsókn um stækkun lóðar

Erindi dagsett 14. nóvember 2019 þar sem Guðjón Þ. Sigfússon fyrir hönd Bjarna Hallgrímssonar sækir um byggingarleyfi fyrir tækjageymslu með tengibyggingu við eldra hús á lóð nr. 19 við Óseyri. Meðfylgjandi er greinargerð hönnunarstjóra, álit Minjastofnunar, umsögn eldvarnareftirlits og teikning eftir Guðjón Þ. Sigfússon.

Settur byggingarfulltrúi í málinu óskar umsagnar skipulagsráðs á hæðarlegu lóðarmarka og ákvæða um girðingar.

Skipulagsráð gerir ekki athugasemd við hæðarlegu lóðarmarka og ákvæði um girðingar, en telur að forsenda samþykktar sé að gerð verði breyting á deiliskipulagi sem felur í sér stækkun lóðarinnar þannig að girðing verði innan lóðar. Er samþykkt að gera breytingu á deiliskipulagi sem að mati ráðsins er óveruleg skv. 2. mgr. 43. gr. skipulagslaga nr. 123/2010. Ekki er talin þörf á grenndarkynningu þar sem breytingin varðar eingöngu umsækjanda og Akureyrarbæ. Er sviðsstjóra skipulagssviðs falið að sjá um gildistöku breytingarinnar þegar fullnægjandi skipulagsgögn berast frá umsækjanda.

Fylgiskjöl

• Óseyri 19_20191127_Aðalteikning.pdf
• Óseyri19_Lóðarmarkahæðir.pdf
• Óseyri19_Hæðarmæling2018.pdf
• Óseyri 19 - álit Minjastofnunar

Erindi dagsett 21. janúar 2020 þar sem Stefán Þór Guðmundsson sækir um lóð nr. 2 við Jaðarsíðu. Umsækjandi fyrirhugar að fá leyfi til að byggja á lóðinni 310 m² parhús í stað einbýlishúss (sjá mál 8). Meðfylgjandi er yfirlýsing viðskiptabanka.

Skipulagsráð samþykkir erindið.

Erindi dagsett 22. janúar 2020 þar sem Haraldur S. Árnason fyrir hönd Stefáns Þórs Guðmundssonar leggur inn fyrirspurn varðandi lóð nr. 2 við Jaðarsíðu. Stefán Þór hefur sótt um lóðina en óskar eftir að breyta henni í parhúsalóð og að nýtingarhlutfall hækki úr 0.40 í 0.44. Meðfylgjandi er teikning eftir Harald S. Árnason.

Skipulagsráð samþykkir að breyta deiliskipulagi til samræmis við erindið. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og felur sviðsstjóra skipulagssviðs að grenndarkynna tillöguna skv. 44. gr. laganna þegar umsækjandi hefur lagt fram fullnægjandi skipulagsuppdrátt.

Fylgiskjöl

• Jaðarsíða 2-1302.pdf
• Jaðarsíða 2-fyrirspurn.pdf
• Jaðarsíða 2 - fyrirspurn

Erindi dagsett 17. janúar 2020 þar sem Viðar Helgason leggur inn fyrirspurn varðandi lækkun gatnagerðagjalds fyrir lóð nr. 29 við Sómatún í 6,8 mkr.

Að mati skipulagsráðs eru ekki forsendur fyrir lækkun gatnagerðargjalds á einbýlishúsalóðinni Sómatún 29 miðað við ákvæði gjaldskrár gatnagerðargjalda.

Lagt fram erindi Dans Brynjarssonar sviðsstjóra fjársýslusviðs Akureyrarbæjar dagsett 10. janúar 2020 þar sem lagt er til við skipulagsráð að stæði við Gránufélagsgötu, suðvestan við ráðhúsið, verði aflagt sem klukkustæði fram á vor eða sumar.

Skipulagsráð hafnar að breyta stæðunum úr klukkustæðum í ótímabundin stæði þar sem verið er að vinna heildarendurskoðun á bílastæðum í miðbæ Akureyrar.

Erindi dagsett 16. janúar 2020 þar sem Ásgeir Már Ásgeirsson fyrir hönd Naustagötu 13 ehf., kt. 480218-1080, óskar eftir framlenginu á framkvæmdafresti til næstu áramóta fyrir lóðina nr. 55 við Kjarnagötu.

Skipulagsráð samþykkir að veita viðbótarfrest upp á 6 mánuði.

Lögð fram, að lokinni grenndarkynningu, tillaga að breytingu á Hvannavöllum 10 sem felur í sér að afmarkaðar eru 4-5 íbúðir í austurhluta hússins. Verða íbúðirnar nýttar sem áfangaheimili. Tvö athugasemdabréf bárust á kynningartíma.

Skipulagsráð frestar erindinu og felur sviðsstjóra skipulagssviðs að gera drög að viðbrögðum við athugasemdum.

Lögð fram tillaga umhverfis- og mannvirkjasviðs að útfærslu á gangbraut yfir Þórunnarstræti við Búðartröð. Samkvæmt gildandi deiliskipulagi er sýnd gangstétt meðfram Búðartröð að Þórunnarstræti en ekki er afmörkuð gangbraut yfir götuna. Í fyrirliggjandi tillögu er gert ráð fyrir að gangstéttin sveigi aðeins til suðurs og að þar verði gangbraut með miðeyju.

Skipulagsráð gerir ekki athugasemd við fyrirhugaða færslu á gönguleið. Að mati ráðsins er um svo óverulegt frávík frá deiliskipulagi að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn, sbr. ákvæði 3. mgr. 43. gr. skipulagslaga nr. 123/2010. Er því ekki talið að gera þurfi breytingu á deiliskipulaginu.

Fylgiskjöl

• Eyja-við Búðartröð-15104-BTR.C72.001-1 (ID 134214).pdf

Byggingarfulltrúi óskar umsagnar skipulagsráðs um erindi dagsett 20. janúar 2020 þar sem Andrea Sif Hilmarsdóttir fyrir hönd Akureyrarbæjar, kt. 410169-6229, sækir um leyfi fyrir skilti á vesturgafl gamla íþróttahússins Skólastíg 4, mhl 03. Meðfylgjandi er skýringarmynd.

Meirihluti skipulagsráðs tekur jákvætt í erindið og felur byggingarfulltrúa að afgreiða málið.

Arnfríður Kjartansdóttir V-lista sat hjá við afgreiðslu málsins.

Fylgiskjöl

• Laugargata - umsókn
• Laugargata - staðsetning

Erindi dagsett 23. janúar 2020 þar sem Jónas Valdimarsson fyrir hönd Akureyrarbæjar, kt. 410169-6229, sækir um framkvæmdarleyfi skv. 13 gr. skipulagslaga nr.123/2010, vegna framkvæmda samkvæmt gildandi aðal- og deiliskipulagi.

Um er að ræða gerð að- og fráreina frá Miðhúsabraut og inn á bílastæði Bónuss við Kjarnagötu. Gerð miðeyju á Miðhúsabraut og breikka götuna sem nemur breidd eyjunnar.

Meðfylgjandi eru teikningar sem sýna fyrirhugaða framkvæmd.

Verkið er samvinnuverkefni Akureyrarbæjar og Bónuss.

Skipulagsráð hefur yfirfarið meðfylgjandi hönnunargögn vegna framkvæmdar við Miðhúsabraut sem er í samræmi við samþykkt aðal- og deiliskipulag og samþykkir útgáfu framkvæmdarleyfisins.

Eftirfarandi skilyrði setur skipulagsráð fyrir veitingu framkvæmdarleyfisins:

Framkvæmdin skal vera í samræmi við 24. gr. lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

Fylgiskjöl

• Framkvæmdaleyfi-Miðhúsabraut-Bónus.pdf
• Samsett-Miðhúsabraut-Bónus.pdf

Lagt fram erindi Hlyns Hallssonar, fyrir hönd Listasafnsins á Akureyri, dagsett 21. janúar 2020 þar sem sótt er um leyfi til lokunar fyrir bílaumferð í Kaupvangsstræti að hluta vegna Gildaga, dagana 1. febrúar, 7. mars, 16. maí, 17. október og 5. desember 2020.

Í samþykkt um verklagsreglur vegna tímabundinna lokana gatna fyrir umferð vélknúinna ökutækja er sérstakt ákvæði um lokun Listagilsins vegna listviðburða. Kemur þar fram að heimilt er að vera með allt að fjórar lokanir á tímabilinu maí til september. Í ljósi þessa getur meirihluti skipulagsráðs ekki samþykkt lokun Kaupvangsstrætis í samræmi við fyrirliggjandi erindi, nema vegna Gildags þann 16. maí 2020.



Arnfríður Kjartansdóttir V-lista greiðir atkvæði á móti og óskar bókað að hún vilji samþykkja erindið.



Orri Kristjánsson S-lista óskar að bóka: Það heyrir tæplega til góðra stjórnsýsluhátta að skipulagsráð Akureyrarbæjar fari gegn þeim verklagsreglum sem bæjarfélagið hefur sjálft sett sér er varða götulokanir í Listagilinu, líkt og fyrirspurnin felur í sér. Vert er að benda á að skipulagsráð hafnaði fyrirspurn af sama meiði að hluta á fundi sínum þann 10. apríl á síðasta ári og vísaði við það tilefni til verklagsreglna sem gilda um götulokanir í Listagilinu. Ljóst er, m.v. fyrirspurn, að vilji forsvarsmanna Gildaga stendur til þess að loka fyrir umferð um Listagilið dagspart á meðan á Gildögum stendur og utan þess ramma sem verklagsreglur mæla fyrir um. Verður þó ekki komist að annarri niðurstöðu en að árangursríkara gæti reynst að ná þessum vilja fram á annan hátt en að senda að megninu til sömu fyrirspurn fyrir skipulagsráð og hafnað var að hluta á síðasta ári og á meðan sömu reglur gilda um téðar götulokanir.

Lagt fram til umræðu minnisblað sviðsstjóra skipulagssviðs dagsett 26. janúar 2020 um gjaldskrá gatnagerðargjalda.

Lögð fram tillaga að kynningaráætlun skipulagssviðs í samræmi við aðgerðaáætlun upplýsingastefnu Akureyrarbæjar.

Skipulagsráð samþykkir framlagða kynningaráætlun.

Lögð fram til kynningar samantekt um hlutfall yfirvinnu af dagvinnu fyrir árið 2019 samanborið við árin 2013-2018.

Lögð fram til kynningar fundargerð 754. fundar, dagsett 16. janúar 2020, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.