Skipulagsráð - 426

Erindi dagsett 12. júní 2024 þar sem að Ágúst Hafsteinsson fh. FÉSTA óskar eftir að breyta deiliskipulagi fyrir Skarðshlíð 46. Breytingin felst í því að búa til nýjan byggingarreit fyrir nýtt hús á austurhlið lóðarinnar.

Skipulagsráð frestar afgreiðslu og felur formanni skipulagsráðs og skipulagsfulltrúa að ræða við umsækjanda.

Fylgiskjöl

• FÉSTA erindi v Skarðshlíðar 46 2024-06-12.pdf
• b) Fyrirspurn til skipulagsfulltrúa og/eða skipulagsráðs

Erindi dagsett 20. júní 2024 þar sem að Hólmar Erlu Svansson fh. Háskólans á Akureyri sækir um byggingarleyfi fyrir bráðarbirgðahúsnæði til að bregðast við húsnæðisvanda Háskólans á Akureyri.

Skipulagsráð telur að innkomin tillaga sé í samræmi við gildandi deiliskipulag og vísar málinu til byggingarfulltrúa til afgreiðslu.

Fylgiskjöl

• Minnisblað til Akureyrarbæjar um tímabundið byggingarleyfi.pdf

Erindi dagsett 31. maí 2024 þar sem að Rögnvaldur Harðarson fh. Rafeyrar ehf. sækir um byggingarleyfi fyrir hjólageymslu sem nær út fyrir byggingarreit.

Skipulagsráð tekur jákvætt í erindið og heimilar umsækjanda að leggja fram óverulega deiliskipulagsbreytingu í samræmi við erindið. Jafnframt óskar skipulagsráð eftir að sett verði inn kvöð um lóðarafmörkun á lóðarmörkum til vesturs meðfram Glerá.

Fylgiskjöl

• Hönnuður - umsókn um byggingaráform og byggingarleyfi eða byggingarheimild
• Norðurtangi 5_Aðaluppdráttur.pdf

Erindi dagsett 13. júní 2024 þar sem að Þorgeir Jónsson fh. Höfða ehf. fatalitun/þvottahús sækir um óskilgreinda lóð norðan við Hafnarstræti 36. Einnig er sótt um leyfi til að fara í vinnu við að deiliskipuleggja lóðina.

Skipulagsráð hafnar erindinu.

Fylgiskjöl

• .HAFNARSTRÆTI 38.pdf
• d) Hönnuður - umsókn um skipulag

Erindi dagsett 15. júní 2024 þar sem að Gabríel Snær Völuson óskar eftir upplýsingum um hvort lóðin Lækjargata 13 sé laus eða hvenær Akureyrarbær hafi hugsað sér að bjóða hana út og hvað verðið á henni verði þegar að því kemur.

Skipulagsráð getur ekki orðið við erindinu þar sem lóðin er ekki laus til úthlutunar.

Fylgiskjöl

• b) Fyrirspurn til skipulagsfulltrúa og/eða skipulagsráðs

Lagt fram að nýju erindi dagsett 18. janúar 2024 þar sem að Friðrika Marteinsdóttir fh. Landsnets hf. sækir um framkvæmdaleyfi fyrir lagningu Dalvíkurlínu 2.

Þar sem umsóknin er í samræmi við gildandi aðalskipulag samþykkir skipulagsráð erindið og felur skipulagsfulltrúa að gefa út framkvæmdaleyfi þegar fullnægjandi gögn hafa borist. Er samþykktin með fyrirvara um að jarðstrengurinn verði lagður með þeim hætti að hægt verði að framlengja Síðubraut til suðurs að Lögmannshlíðarvegi/Hlíðarfjallsvegi án þess að af því hljótist auka kostnaður fyrir Akureyrarbæ. Er skipulagsfulltrúa einnig falið að útbúa samning við Landsnet um eftirlit með framkvæmdunum.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Framkvæmdalýsing vegna lagningu Dalvíkurlínu 2.pdf
• Strenglega DA2 2024-01-12-compressed.pdf
• DA2-Verkáætlun einföld.pdf
• Akureyrarbær_DA2 - Umsókn um framkvæmdaleyfi.pdf
• DA2 og Vatnaáætlun.pdf
• Fiskistofa_Leyfi vegna lagninar Dalvíkurlínu 2.pdf
• Dalvíkurlína 2 umsögn Minjastofnunar.pdf

Erindi dagsett 13. júní 2024 þar sem að Jóhann Friðrik Ragnarsson fh. Í dag ehf. óskar eftir að fá að breyta frístundahúsi við Hyrnuland 1 í atvinnuhúsnæði.

Áætlað að leigja húsnæði út í skammtímaleigu.

Skipulagsráð samþykkir að gerð verði breyting á deiliskipulagi svæðisins sem felst í að lóðin Hyrnuland 1 verði atvinnuhúsnæði í stað frístundahúss. Að mati ráðsins er breytingin óveruleg skv. 2. mgr. 43. gr. og er ekki talin þörf á grenndarkynningu skv. 44. gr. skipulagslaga nr. 123/2010 þar sem að hús á svæðinu eru þegar nýtt með sambærilegum hætti.

Fylgiskjöl

• b) Fyrirspurn til skipulagsfulltrúa og/eða skipulagsráðs

Erindi dagsett 13. júní 2024 þar sem að Sigurður Lúðvík Stefánsson fh. Íslandsturna sendistaða óskar eftir leyfi til að reisa 16m hátt fjarskiptamastur auk rafmagnskassa.

Skipulagsráð frestar afgreiðslu málsins og felur skipulagsfulltrúa að ræða betur við umsækjanda.

Fylgiskjöl

• Hlíðarholt _spennistöð_, Akureyrarbær _L149999_ - 16m fjarskiptastaur.pdf
• b) Fyrirspurn til skipulagsfulltrúa og/eða skipulagsráðs

Rammasamningur um aukið íbúðaframboð 2023-2032 tekinn fyrir að nýju hjá skipulagsráði.

Skipulagsráð felur skipulagsfulltrúa að leggja drögin fyrir HMS.

Lögð fram til kynningar fundargerð 971. fundar, dagsett 13. júní 2024, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.

Lögð fram til kynningar fundargerð 972. fundar, dagsett 20. júní 2024, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.