Skipulagsráð - 377

Á fundi skipulagsráðs þann 26. janúar sl. var skipulagsfulltrúa falið að vinna að útfærslu deiliskipulagsbreytingar vegna byggingaráforma á lóð nr. 2 við Hrafnagilsstræti í samráði við umsækjanda.

Nú liggur fyrir endurskoðuð tillaga að útfærslu skipulagsbreytingarinnar.

Afgreiðslu frestað til næsta fundar.

Lögð fram tillaga að deiliskipulagi fyrir athafnalóðir sunnan Hlíðarfjallsvegar. Kynningu á tillögu á vinnslustigi lauk þann 4. mars. Engar athugasemdir bárust. Umsagnir bárust frá Minjastofnun og Vegagerðinni.

Meirihluti skipulagsráðs leggur til við bæjarstjórn að hún samþykki tillöguna og að hún verði auglýst skv. 1. mgr. 41. gr. skipulagslaga nr. 123/2010.



Arnfríður Kjartansdóttir V-lista situr hjá við afgreiðslu málsins og óskar bókað að það sé of snemmt að ákveða núna hvaða starfsemi verður á umræddu athafnasvæði.

Grenndarkynningu byggingaráforma í tengslum við mathöll í Glerárgötu 28 lauk þann 2. mars sl. Þrjár athugasemdir bárust og eru þær lagðar fram nú. Jafnframt eru lögð fram viðbrögð umsækjanda við athugasemdum auk tillögu skipulagsfulltrúa að svörum við efni athugasemda.

Skipulagsráð gerir ekki athugasemd við fyrirliggjandi umsókn um byggingaráform og samþykkir tillögu að svörum við athugasemdum.

Er afgreiðslu byggingarleyfis vísað til byggingarfulltrúa.

Fylgiskjöl

• Í KYNNINGU_Glerárgata 28_Mathöll_Grunnmynd.pdf

Erindi dagsett 2. mars 2022 þar sem Margrét Konráðsdóttir fyrir hönd Skútabergs ehf. leggur inn fyrirspurn varðandi lóð fyrir þrjú síló og hafnarvog við Krossaneshöfn.

Meðfylgjandi eru skýringarmyndir.

Skipulagsráð frestar afgreiðslu og felur skipulagsfulltrúa að ræða við umsækjanda um framhald málsins.

Fylgiskjöl

• Fyrirspurn til skipulagsráðs
• Hafnarlóð Krn..PNG

Erindi dagsett 24. febrúar 2022 þar sem Skógræktarfélag Eyfirðinga sækir um lóð suður af núverandi húsnæði.

Meðfylgjandi er greinargerð.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 22. febrúar 2022 þar sem Guðmundur Hallgrímsson leggur inn fyrirspurn varðandi breytta notkun í húsi nr. 10 við Aðalstræti. Umsækjandi á húsið í heild sinni og óskar eftir að fá gistileyfi II á efri og/eða neðri hæð hússins.

Skipulagsráð gerir ekki athugasemd við að gefið verði út leyfi fyrir rekstrarleyfisskyldri gististarfsemi í íbúðunum tveimur sem eru í húsinu ef þær eru leigðar út í heilu lagi. Með því móti eykst ekki álag á bílastæði í götunni.

Afgreiðslu málsins er vísað til byggingarfulltrúa.

Fylgiskjöl

• Teikning.pdf

Erindi dagsett 17. febrúar 2022 þar sem Vala Björt Harðardóttir leggur inn fyrirspurn varðandi rekstrarleyfisskylda skammtímaleigu í húsi nr. 4 við Fróðasund.

Skipulagsráð gerir ekki athugasemd við að gefið verði út leyfi fyrir rekstrarleyfisskyldri gististarfsemi til samræmis við umsókn.

Afgreiðslu málsins er vísað til byggingarfulltrúa.

Fylgiskjöl

• Fróðasund 4.pdf

Erindi dagsett 24. febrúar 2022 þar sem Lasagna and more ehf. leggur fram andmæli við ákvörðun skipulagsráðs frá 23. febrúar sl. um uppsögn forleiguréttar fyrir söluvagn í Hafnarstræti.

Meðfylgjandi er andmælabréf.

Skipulagsráð fellst ekki á andmæli umsækjanda og synjar umsókn hans um langtímastöðuleyfi fyrir árið 2022.

Skipulagsfulltrúa er falið að auglýsa stæðið laust til úthlutunar að nýju.

Erindi Valdemars Viðarssonar dagsett 3. febrúar 2022 fyrir hönd ATOM 22 ehf. þar sem óskað er eftir leyfi fyrir stöðvalausri rafskútuleigu á Akureyri.

Erindið var áður á dagskrá skipulagsráðs þann 9. febrúar sl. en afgreiðslu þess var frestað.

Skipulagsráð samþykkir erindið fyrir sitt leyti og leggur til að gerður verði þjónustusamningur við umsækjanda um stöðvalausa rafskútuleigu.

Er afgreiðsla erindisins með fyrirvara um jákvæða umsögn umhverfis- og mannvirkjaráðs.

Þann 14. ágúst 2021 var lóðin Skarðshlíð 20 auglýst laus til úthlutunar í tengslum við auglýsingu Ríkiskaupa eftir húsnæði fyrir norðurstöð heilsugæslu. Bárust tillögur frá þremur aðilum þar sem gert var ráð fyrir heilsugæslu á jarðhæð og íbúðum á efri hæðum ásamt hluta bílastæða í bílakjallara. Nú liggur fyrir að unnið er að undirbúningi norðurstöðvar heilsugæslu í Sunnuhlíð 12 og eru forsendur auglýsingar lóðarinnar því brostnar.

Skipulagsráð leggur til við bæjarráð að lóðin Skarðshlíð 20 verði auglýst að nýju og hún boðin út til samræmis við ákvæði gr. 3.2 í reglum Akureyrarbæjar um úthlutun lóða. Er lagt til að sett verði lágmarksboð í byggingarréttinn að upphæð a.m.k. 60 milljónir króna.

Lögð fram til kynningar fundargerð 853. fundar, dagsett 24. febrúar 2022, með fullnaðarafgreiðslum erinda. Fundargerðin er í 2 liðum og er að finna á heimasíðu Akureyrarbæjar.