Skipulagsráð - 296

Erindi dagsett 13. júlí 2018 þar sem Lárus Valberg Valbergsson leggur inn fyrirspurn varðandi viðbyggingu og útlitsbreytingar á húsi nr. 31 við Eyrarlandsveg. Meðfylgjandi er álit Minjastofnunar, teikningar og ljósmyndir.

Skipulagsráð heimilar umsækjanda að láta vinna tillögu að breytingu á deiliskipulagi svæðisins.

Fylgiskjöl

• 2018-04-17 19-02-12 (2).jpg
• Eyrarlandsvegur 31_ hlið.pdf
• Eyrarlandsvegur 31_ grunnmynd.pdf
• Eyrarlandsvegur 31_ bak.pdf
• Eyrarlandsvegur 31_ bak.jpg
• Álit Minjastofnunar

Erindi dagsett 5. júlí 2018 þar sem Steingrímur Pétursson fyrir hönd Furuvalla 7 ehf., kt. 530212-0170, sækir um frest á byggingarframkvæmdum við fjölbýlishúsið við Austurbrú 10-12 til 1. júní 2019.

Afgreiðslu frestað og sviðsstjóra skipulagssviðs og byggingarfulltrúa falið að leita nánari skýringa á stöðu mála.

Friðrik Sigurjónsson mætti í viðtalstíma skipulagssviðs. Gerir enn og aftur athugasemd við hraðakstur í Norðurgötunni og vill að gripið verði til ráðstafana til að draga úr umferðarhraða. Leggur til að settar verði upp þrjár hraðahindranir og telur það bráðnauðsynlegt. Hefur miklar áhyggjur af öryggi barna á leið til og frá Oddeyrarskóla.

Skipulagsráð felur skipulagssviði að vinna álit að aðgerðum í samráði við umhverfis- og mannvirkjasvið.

Erindi dagsett 3. júlí 2018 þar sem Ingólfur Guðmundsson fyrir hönd Baldvins H. Sigurðssonar sækir um leyfi til að rífa bílskúr við hús hans nr. 9 við Möðruvallastræti og byggja nýjan skúr með lítilsháttar stækkun. Meðfylgjandi er mynd.

Skipulagsráð heimilar umsækjanda að láta vinna tillögu að breytingu á deiliskipulagi svæðisins.

Fylgiskjöl

• Möðruvallastr 9_12_18_026_Fyrirspurn-001.pdf

Erindi dagsett 10. júlí 2018 þar sem Gísli Kristinsson fyrir hönd Isavia ohf., kt. 550210-0370, sækir um breytingu á deiliskipulagi Akureyrarflugvallar. Meðfylgjandi er teikning eftir Gísla Kristinsson.

Skipulagsráð leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010.

Fylgiskjöl

• FLU-001-180710.pdf

Á fundi skipulagsráðs 11. október 2017 var samþykkt að heimila gerð deiliskipulagsbreytingar til að byggja 12 bíla bílskúrsbyggingu norðan lóðarinnar Brekatún 4-14. Nú er lögð fram tillaga að breytingu sem felst í að lóð Brekatúns 4-14 stækkar til norðvesturs, afmarkaður er byggingarreitur fyrir 12 bílageymslur og lóðin Brekatún 2 minnkar um 28,5 m². Fram kemur að haft hafi verið samráð við húsfélag Brekatúns 2 vegna minnkunar lóðarinnar.

Skipulagsráð leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010 þegar skriflegt samþykki eigenda Brekatúns 2 liggur fyrir.

Fylgiskjöl

• Brekatun-2-14_dsk-br_2018-05-25.pdf

Lögð fram að lokinni auglýsingu tillaga að breytingu á deiliskipulagi Klettaborgar. Skipulagssvæðið sem breytingum tekur liggur milli vestustu húsanna við Klettaborg og Dalsbrautar. Tillagan gerir m.a. ráð fyrir að afmörkuð er ný lóð fyrir íbúðakjarna með sex íbúðum. Fyrirhugað leiksvæði er flutt norður fyrir götuna. Tillagan var auglýst til kynningar 30. maí sl. með athugasemdafresti til 12. júlí og bárust 6 athugasemdabréf á kynningartíma.

Afgreiðslu frestað og sviðsstjóra skipulagssviðs falið að vinna umsögn um innkomnar athugasemdir.

Fylgiskjöl

• Klettaborg 43_06_17_021_Dsk-grunnur-003-breytt.pdf

Á fundi skipulagsráðs 4. apríl sl. var lagt fram erindi Haraldar S. Árnasonar fyrir hönd SS Byggis ehf., kt. 620687-2519, þar sem óskað var eftir breytingu á lóð nr. 4 við Rangárvelli. Var samþykkt að fela sviðsstjóra skipulagssviðs að gera tillögu að breytingu á deiliskipulagi svæðisins. Verkís hefur verið að vinna að málinu frá því í vor og er nú lögð fram kynning á nokkrum möguleikum á útfærslu breytinga á deiliskipulagi lóða nr. 4 og 6 við Rangárvelli.

Lagt fram til kynningar. Skipulagsráð frestar afgreiðslu.

Fundargerð dagsett 5. júlí 2018. Lögð var fram fundargerð 683. fundar með fullnaðarafgreiðslum erinda. Fundargerðin er í 22 liðum.

Lagt fram til kynningar.

Fylgiskjöl

• Afgreiðslufundur byggingarfulltrúa - 683

Fundargerð dagsett 13. júlí 2018. Lögð var fram fundargerð 684. fundar með fullnaðarafgreiðslum erinda. Fundargerðin er í 6 liðum.

Lagt fram til kynningar.

Fylgiskjöl

• Afgreiðslufundur byggingarfulltrúa - 684