Skipulagsnefnd - 178

Skipulagstillagan var auglýst frá 5. mars með athugasemdarfresti til 13. apríl 2014. Samhliða var auglýst deiliskipulag fyrir Hagahverfi og breyting á reit 28 og Naustabraut, sjá málsnr. SN080099.\nAuglýsingar birtust í Lögbirtingarblaði, Dagskránni og Fréttablaðinu. Skipulagsgögn voru aðgengileg í þjónustuanddyri Ráðhúss Akureyrar, á vefsíðu skipulagsdeildar og hjá Skipulagsstofnun.\nTvær umsagnir bárust eftir athugasemdarfrest: \n1) Umhverfisstofnun dagsett 14. febrúar 2014. Umsögn um skipulagslýsingu barst of seint og er því tekin fyrir nú.\na) Koma þarf fram hvernig umhverfisáhrif af nýrri legu Naustabrautar og uppfyllingar í stað brúar á Naustagili eru samanborið við eldri áætlun. \nb) Koma þarf fram hvernig svæðið fyrir verslun og þjónustu fer saman við græna svæðið við Naustagötu og starfsemi á svæði fyrir þjónustustofnanir.\nc) Koma þarf fram hvort græna svæðið við Naustagötu rýrnar við breytinguna.\n2) Minjastofnun Íslands dagsett 15. apríl 2014.\nMinnt er á skráðar minjar og einnig má gera ráð fyrir óþekktum minjum við gamla bæjarstæði Nausta. Gera þarf könnunarskurði þar sem jarðrask verður vegna Naustavegar og óskað er eftir samvinnu við Akureyrarbæ um slíka könnun áður en til framkvæmda kemur.\nEngin athugasemd barst.

Tillaga að deiliskipulagi Naustahverfis 3. áfanga ásamt tillögu að breytingu á deiliskipulagi reits 28 og Naustabraut voru auglýstar frá 5. mars með athugasemdarfresti til 13. apríl 2014. Breyting á aðalskipulagi Akureyrar var auglýst samhliða, sjá málsnr. 2014010276. \nAuglýsingar birtust í Lögbirtingarblaðinu, Dagskránni og Fréttablaðinu. Skipulagsgögn voru aðgengileg í þjónustuanddyri Ráðhúss Akureyrar, vefsíðu skipulagsdeildar Akureyrar og hjá Skipulagsstofnun.\nTvær umsagnir og tvær athugasemdir bárust sem eru í fylgiskjali merktu "Hagar deiliskipulag, athugasemdir og svör dags. 30.4.2014".\nEinnig barst fundargerð nafnanefndar dagsett 17. mars 2014 þar sem lagðar eru til breytingar frá fyrri tillögu að götunöfnum.

Verkfræðistofan EFLA hefur unnið viðauka við fyrri hljóðskýrslu, sem kallast Hávaðadreifing frá Endurobraut, dagsettan 19. apríl 2014. Í niðurstöðum skýrslunnar kemur fram að tvær leiðir eru færar við gerð hljóðmana til þess að uppfylla 55 dB(A) markmiðið fyrir Hálönd. Ný Endurobraut uppfylli þannig kröfur reglugerðar um hávaða nr. 724/2008 m.v. þær forsendur sem gefnar eru upp í skýrslunni.\nSkipulagsnefnd óskaði eftir umsögn heilbrigðiseftirlits Norðurlands eystra um niðurstöður skýrslunnar og hvort hljóðstigið verði ásættanlegt fyrir aðliggjandi frístundasvæði í Hálöndum.\nUmsögn heilbrigðiseftirlitsins barst 28. apríl 2014. Mælst er til að kannað verði hvort og hvernig bæta megi hljóðvist á svæðinu þannig að kröfu um hljóðstig undir 45 dB á frístundasvæði í Hálöndum verði fullnægt.

Erindi dagsett 15. apríl 2014 þar sem Gunnar Björn Þórhallsson f.h. Tengis ehf sækir um framkvæmdaleyfi vegna lagningar ljósleiðara um Akureyri. Meðfylgjandi eru teikningar sem sýna fyrirhugaðar lagnaleiðir.\nTómas B. Hauksson frá framkvæmdadeild kynnti úttekt deildarinnar á hvernig tekist hefur til með frágang fyrirtækisins vegna lagnaframkvæmda 2013.

Erindi dagsett 10. apríl 2014 frá Árna Grétari Árnasyni þar sem hann f.h. Rarik ohf., kt.520269-2669, sækir um framkvæmdaleyfi fyrir breytingum á dreifikerfi Rarik frá Rangárvöllum að og í Kjarnaskógi samkvæmt meðfylgjandi teikningum. Um er að ræða eftirfarandi breytingar:\n1) Lagningu jarðstrengs frá lóð Sólskóga að núverandi línu norðan við Hamra.\n2) Að afleggja loftlínu frá Rangárvöllum að tengistað jarðstrengsins.\n3) Að afleggja loftlínu, sem nú liggur yfir Kjarnaskóg, frá tengistað jarðstrengsins inn í land Hvamms.

Fundargerð dagsett 10. apríl 2014. Lögð var fram fundargerð 488. fundar með fullnaðarafgreiðslum erinda. Fundargerðin er í 11 liðum.

Fundargerð dagsett 16. apríl 2014. Lögð var fram fundargerð 489. fundar með fullnaðarafgreiðslum erinda. Fundargerðin er í 9 liðum.

<DIV>Lagt fram til kynningar.</DIV>