Skipulagsnefnd - 151

Tillaga að deiliskipulagsbreytingu Giljahverfis var auglýst frá 28. nóvember 2012 til 9. janúar 2013. Samhliða var auglýst umhverfisskýrsla dagsett í október 2012 og minnisblað um hljóðvist við Borgarbraut frá Eflu dagsett 31. október 2012 auk breytingarblaðs um deiliskipulag Borgarbrautar-Vestursíðu, dagsett 27. október 2012. \nAuglýsingar birtust í Dagskránni, Fréttablaðinu og Lögbirtingablaðinu auk þess sem gögnin voru aðgengileg á heimasíðu skipulagsdeildar, í þjónustuanddyri Ráðhúss Akureyrar og hjá Skipulagsstofnun.\nEftir auglýsingartíma var lögð fram endurskoðuð hljóðskýrsla frá Eflu dagsett 24. janúar 2013 vegna rangra niðurstaðna þar sem skýrslan hafði verið byggð á röngum forsendum um umferðartölur ofl. Í framhaldinu voru gerðar viðeigandi leiðréttingar á umhverfisskýrslu, dagsettri í janúar 2013.\n8 athugasemdir bárust og er útdráttur úr þeim í fylgiskjali merktu "Giljahverfi, þjónustuíbúðir við Borgarbraut, athugasemdir og svör dags. 30.1.2013". Þar er einnig að finna innkomnar umsagnir.\nBorist hefur tillaga frá nafnanefnd dagsett 11. janúar þar sem nefndin gerir það að tillögu sinni að lóðin og aðkoma hennar verði kennd við Borgarbraut og Giljahverfi og fái nafnið Borgargil.

Í framhaldi af bókun skipulagsnefndar dagsettri 31. október 2012 leggur skipulagsstjóri fram til kynningar fyrstu drög að tillögu að deiliskipulagi svæðis á mótum Miðhúsabrautar og Súluvegar að Þingvallastræti og Glerá. Tillagan er unnin af Árna Ólafssyni arkitekt, dagsett 30. janúar 2013.

Erindi dagsett 18. desember 2012 þar sem Sigurður Ásbjörnsson f.h. Skipulagsstofnunar óskar eftir umsögn Akureyrarbæjar um hvort og á hvaða forsendum framleiðsla GPO ehf. á olíu úr plasti á lóð við Súluveg skuli háð mati á umhverfisáhrifum að teknu tilliti til 3. viðauka í lögum um mat á umhverfisáhrifum. Einnig er óskað eftir að fram komi í umsögninni hvaða leyfum framkvæmdin er háð hvað varðar starfssvið umsagnaraðila.

Skipulagslýsing fyrir athafnasvæðið við Austursíðu var auglýst til kynningar 19. desember 2012. Lýsingin var aðgengileg í þjónustuanddyri Ráðhúss Akureyrar og á heimasíðu skipulagsdeildar. \nUmsagnir bárust frá:\n1) Norðurorku, dagsett 14. janúar 2013. \nAthygli er vakin á að Norðurorka rekur dælustöð og spennistöð í Austursíðu 2 og liggja stofnlagnir veitna að þeirri lóð. Mikilvægt er að gera ráð fyrir mögulegum lagnaleiðum meðfram Hörgárbraut.\n2) Skipulagsstofnun dagsett 4. janúar 2013.\nSkipulagsstofnun gerir ekki athugasemd við lýsinguna.\nÁbendingum um skipulagslýsingu er vísað í vinnslu deiliskipulags svæðisins.\nSkipulagsstjóri leggur fram tillögu að deiliskipulagi fyrir athafnasvæðið við Austursíðu. Tillagan er unnin af Gísla Kristinssyni arkitekt, dagsett 11. janúar 2013, og kom hann á fundinn og kynnti tillöguna.

Tillaga að breytingu á deiliskipulagi lóðarinnar var grenndarkynnt frá 19. desember 2012 með athugasemdarfresti til 16. janúar 2013.\nEngin athugasemd barst.

Tillaga að breytingu á deiliskipulagi lóðarinnar var grenndarkynnt frá 19. desember 2012 með athugasemdarfresti til 16. janúar 2013.\nEngin athugasemd barst.

Erindi dags. 14. janúar 2013 frá Bjarna Hafþóri Helgasyni f.h. Fasteignafélagsins Klappa ehf. varðandi bílastæði við húsaröðina Glerárgötu 26-38. Óskað er eftir breytingu á því hvernig bifreiðum er lagt í aðreininni og einnig er óskað eftir breikkun á henni.

Erindi dagsett 25. janúar 2013 þar sem Gísli Steinar Gíslason f.h. Norðurbrúar ehf., kt: 620113-0420, Kaldbaksgötu 1, sækir um lóðina nr. 80 við Hafnarstræti til að byggja hótel.

Fundargerð dagsett 16. janúar 2013. Lögð var fram fundargerð 428. fundar með fullnaðarafgreiðslum erinda. Fundargerðin er í 11 liðum.

Fundargerð dagsett 23. janúar 2013. Lögð var fram fundargerð 429. fundar með fullnaðarafgreiðslum erinda. Fundargerðin er í 6 liðum.

<DIV>Lagt fram til kynningar.</DIV>