Skipulagsnefnd - 209

Staðgengill skipulagsstjóra lagði fram tillögu að skipulagslýsingu á rammahluta aðalskipulags Oddeyrar. Rammaskipulag verður unnið í samræmi við stefnumótun skipulagsnefndar varðandi nýtingu og skipulag Oddeyrar neðan Glerárgötu sunnan Glerár sem bókað var í skipulagsnefnd 29. október 2014. Tillagan er unnin af Lilju Filippusdóttur landslagsarkitekt hjá Teiknistofu Arkitekta, Gylfa Guðjónssyni og félögum ehf., dagsett 13. ágúst 2015. Á fundinn komu Lilja Filippusdóttir og Árni Ólafsson og kynntu tillöguna.

Skipulagsnefnd þakkar Lilju og Árna fyrir kynninguna.

Frestað.

Staðgengill skipulagsstjóra lagði fram skipulagslýsingu vegna vinnslu deiliskipulags af svæði sem afmarkast af Glerárgötu, Tryggvabraut og Hvannavöllum. Lýsingin er dagsett 13. maí 2015 og er unnin af Árna Ólafssyni frá Gylfa Guðjónssyni og félögum ehf. Árni kom á fundinn til viðræðna.

Skipulagsnefnd þakkar Árna fyrir að koma á fundinn.

Frestað.

Formaður skipulagsnefndar í samráði við bæjarráð óskar eftir að nefndin taki aftur fyrir tillögu að breytingu á gjaldskrá gatnagerðargjalda, sem nefndin vísaði til afgreiðslu bæjarstjórnar á fundi 24. júní 2015, hvað varðar síðustu málsgrein gr. 4.3.

Skipulagsnefnd leggur til við bæjarstjórn að tillaga að breytingu á gjaldskrá gatnagerðargjalda, breytt 19. ágúst 2015, verði samþykkt og bæjarlögmanni falið að annast gildistöku hennar með auglýsingu í B-deild Stjórnartíðinda.

Jón Þorvaldur Heiðarsson áheyrnarfulltrúi Æ-lista fór af fundi kl. 09:55

Samfélags- og mannréttindaráð hefur unnið að endurskoðun jafnréttisstefnu bæjarins og óskar eftir umsögn skipulagsnefndar. Meðfylgjandi er tillaga að nýrri stefnu en eldri stefnu má finna á www.akureyri.is

Skipulagsnefnd gerir ekki athugasemdir við tillöguna.