Skipulagsnefnd - 193

Skipulagsstjóri lagði fram tillögu að deiliskipulagi "Norður-Brekku, neðri hluta". Tillagan er unnin af Ómari og Ingvari Ívarssonum hjá Landslagi ehf., dagsett 10. desember 2014.\nHaldinn var íbúafundur í Ráðhúsi Akureyrar 5. nóvember 2014 þar sem deiliskipulagstillagan var kynnt. Einnig var haldinn fundur með hverfisnefnd Brekku og Innbæjar 3. desember 2014 og farið yfir þær breytingar sem gerðar voru á tillögunni eftir íbúafundinn.

Afgreiðslu frestað.

Deiliskipulagstillagan var grenndarkynnt frá 6. nóvember til 4. desember 2014.\nEin athugasemd barst 3. desember 2014 frá Nesborgum ehf., Njarðarnesi 9. Farið er fram á að kostnaður vegna jarðvegsskipta á hluta göngustígs verði greiddur og að lóðin verði lagfærð þar sem lagt er til að kvöð um göngustíginn verði felld úr gildi.

Skipulagsnefnd felur formanni skipulagsnefndar og skipulagsstjóra að semja um kostnaðarþátttöku vegna framkvæmda við göngustíginn.
Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.

Deiliskipulagstillagan var grenndarkynnt frá 5. nóvember til 3. desember 2014.\nEngin athugasemd barst.

Skipulagsnefnd samþykkir deiliskipulagsbreytinguna á grundvelli 4. gr.-e "Samþykktar um skipulagsnefnd" og felur skipulagsstjóra að annast gildistöku hennar.

Deiliskipulagstillagan var grenndarkynnt frá 5. nóvember til 3. desember 2014. \nEin athugasemd barst frá Dóru Hartmannsdóttur og Hartmanni Eymundssyni, dagsett 26. nóvember 2014.\nGerð er athugasemd við breidd fyrirhugaðra svala sem koma til með að ná nánast að lóðamörkum. Þau telja það úr öllu samræmi við húsið og benda á að svalirnar á Hafnarstræti 88 séu 1,80m á breidd. Einnig telja þau að þetta kunni að hafa áhrif á aðgengi slökkviliðs- og sjúkraflutningsbifreiða.\nTryggvi Már Ingvarsson B-lista lýsti sig vanhæfan og vék af fundi við afgreiðslu málsins.

Svar við athugasemd:Skipulagsnefnd er sammála Minjastofnun Íslands sem telur breidd svalanna ekki í ósamræmi við húsið og hefur samþykkt fyrir sitt leyti umbeðna breytingu á húsinu. Ekki er heldur fallist á að bygging svalanna hafi áhrif á aðkomu neyðarbíla að Hafnarstræti 88 og 90, þar sem greið aðkoma er og verður að húsunum að vestan- og austanverðu eftir uppbyggingu á Drottningarbrautarreit.Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.

Erindi um breytingu á áður samþykktum teikningum af viðbyggingu við Hvannavelli 12 var grenndarkynnt frá 3. nóvember til 1. desember 2014.\nTvær athugasemdir bárust:\n1) Pétur Torfason, Sólvöllum 9, dagsett 24. nóvember 2014.\nBent er á að leyfisveitendur beri fulla ábyrgð á því að endanlegur hljóðstyrkur verði ásættanlegur fyrir nálæga íbúa. Að öðru leyti er ekki gerð athugasemd við tillöguna.\n2) Þórólfur Steinar Arnarson og Lilja Ólafsdóttir, Sólvöllum 11, dagsett 28. nóvember 2014.\nByggingaráformum á Hvannavöllum 12 er mótmælt þar sem þau telja að frystiklefi af þessari stærðargráðu eigi ekki heima í bakgarði hjá fólki. Athugasemdin er í níu liðum.

Skipulagsnefnd tekur undir athugasemdir íbúa í nágrenni við fyrirhugaða viðbyggingu og getur því ekki fallist á að byggingin verði færð nær lóðarmörkum Sólvalla 11 en fyrri grenndarkynning heimilaði og hafnar því tillögunni.

Bæjarstjórn samþykkti 29. ágúst 2012 að hluti Glerárdals yrði skilgreindur sem fólkvangur í samræmi við lög um náttúruvernd nr. 44/1999, gr. 55. Einnig var samþykkt að gerð yrði tillaga til Umhverfisstofnunar um mörk og nýtingarmöguleika fólkvangsins og gerð grein fyrir þeim takmörkunum sem ákvörðun um fólkvang kann að setja Akureyrarbæ sem rétthafa landsvæðisins.\nÍ framhaldinu voru lagðar fram tillögur starfshóps sem skipaður var til að vinna að friðun Glerárdals sem fólkvangs. Tillagan er lögð fram á ný eftir kynningu Umhverfisstofnunar þar sem gerðar hafa verið þrjár orðalagsbreytingar í texta friðlýsingarskilmála.\nInnkomin umsögn frá ISAVIA dagsett 28. nóvember 2014 sem ekki gerir athugasemd við tillöguna.\nUmhverfisnefnd fjallaði um tillöguna á fundi sínum 9. desember 2014 og vísaði henni til umfjöllunar skipulagsnefndar.

Skipulagsnefnd gerir ekki athugasemd við þær breytingar sem gerðar hafa verið við tillöguna um afmörkun fólkvangsins og ákvæði hennar vegna stofnunar fólkvangs í Glerárdal og vísar tillögunni til afgreiðslu bæjarstjórnar.

Erindi dagsett 22. maí 2014 þar sem Kristinn Hreinsson f.h. Rafeyrar ehf., kt. 430594-2229, sækir um stækkun á lóð nr. 5 við Norðurtanga.

Skipulagsnefnd samþykkir lóðarstækkunina og felur lóðarskrárritara að gefa út yfirlýsingu um breytta lóðarstærð.

Erindi dagsett 25. nóvember 2014 frá Sigurði Sigurðssyni þar sem hann f.h. Goðaness ehf., kt. 411206-1140, óskar eftir framlengingu á byggingarfresti í 9 mánuði vegna fyrirhugaðra framkvæmda á lóðinni.

Skipulagsnefnd samþykkir umbeðinn framkvæmdafrest á lóðinni. Ekki verða veittir frekari frestir á framkvæmdum.

Erindi dagsett 28. nóvember 2014 þar sem Ásgrímur Magnússon f.h. Trésmiðju Ásgríms Magnússonar sækir um lóðina Höfðahlíð 19-23. Meðfylgjandi er staðfesting viðskiptabanka.

Skipulagsnefnd samþykkir erindið. Deiliskipulagsskilmálar ásamt almennum byggingarskilmálum gilda.

Rúnar Þór Björnsson og Stefán Jóhannesson mættu í viðtalstíma bæjarfulltrúa þann 13. nóvember 2014.\nInnan svæðis siglingaklúbbsins Nökkva er gert ráð fyrir byggingarreit vegna aðstöðuhúss. Þeir óska eftir að Wathne-húsið verði fært á þann reit, þ.e. þar sem núverandi aðstaða þeirra er í dag. Hugmyndir þeirra eru að Iðnaðarsafnið verði að hluta til í húsinu og að Nökkvi verði þar með aðstöðu auk kaffihúss.

Skipulagsnefnd óskar eftir umsögnum Minjasafnsins og Iðnaðarsafnsins um tillöguna.

Erindi dagsett 24. nóvember 2014 þar sem Halldóra Hreggviðsdóttir f.h. Alta ehf., kt. 630401-3130, sendir inn erindi vegna hugmynda um byggðaþróun á Eyjafjarðarsvæðinu.

Skipulagsnefnd þakkar innsent erindi þar sem fyrirtækið býður fram þjónustu sína á sviði byggðaþróunar.

Erindi dagsett 8. desember 2014 þar sem Sigurður Guðmundsson f.h. Hórasar ehf., kt. 440608-0430, sækir um leyfi fyrir jólatréssölu í miðbæ. Einnig er sótt um að fá að staðsetja aðstöðuskúr á staðnum á meðan á jólatréssölu stendur.

Skipulagsnefnd tekur jákvætt í erindið og heimilar jólatréssölu á Ráðhústorgi dagana 12. desember til 24. desember 2014. Staðsetning aðstöðuskúrs skal vera í samráði við skipulagsstjóra.

Erindi dagsett 21. nóvember 2014 þar sem Perla Fanndal f.h. hverfisnefndar Oddeyrar óskar eftir að umferðarmál og ástand Norðurgötu verði tekið til skoðunar, sérstaklega gatnamót Norðurgötu við Eyrarveg og Gránufélagsgötu. Einnig að umferðarhraði í götunni verði mældur reglulega.

Skipulagsnefnd þakkar bréfritara fyrir innsent erindi. Samkvæmt upplýsingum frá framkvæmdadeild hefur verkfræðistofan Mannvit skoðað umferðarmálin á svæðinu og sérstaklega gatnamót Norðurgötu og Eyrarvegar sem nú eru í hönnun.Að öðru leyti vísar skipulagsnefnd erindinu í skipulagsvinnu Oddeyrarinnar sem til stendur að vinna á næsta ári.

Fundargerð dagsett 27. nóvember 2014. Lögð var fram fundargerð 519. fundar með fullnaðarafgreiðslum erinda. Fundargerðin er í 7 liðum.

Lagt fram til kynningar.

Fundargerð dagsett 4. desember 2014. Lögð var fram fundargerð 520. fundar með fullnaðarafgreiðslum erinda. Fundargerðin er í 5 liðum.

Lagt fram til kynningar.