Samráðshópur um málefni fatlaðs fólks - 11

Samantekt til kynningar um sumarvinnu fatlaðs ungs fólks og barna.

Málið var áður á dagskrá 26. maí sl. og óskaði samráðshópurinn eftir upplýsingum um stöðu fatlaðra barna og ungs fólks í atvinnumálum í sumar.

Orri Stefánsson verkefnastjóri vinnuskóla og sumarvinnu með stuðningi og Helga Guðrún Sigurbjörnsdóttir verkefnastjóri sumarvinnu með stuðningi mættu á fundinn og kynntu verkefnið.

Samráðshópurinn þakkar Orra og Helgu Guðrúnu fyrir góða kynningu á framgangi verkefnisins i sumar.

Félagsmálaráðuneytið auglýsti styrki sem sveitarfélög gátu sótt í fyrir hópa sem voru í viðkvæmri stöðu og höfðu fengið skerta þjónustu þá mánuði sem COVID-19 setti svip sinn á lífið í landinu.

Búsetusvið fékk styrki til að auka þjónustu við fatlað fólk og eldri borgara. Karólína Gunnarsdóttir kynnti verkefnin sem styrkt voru.

Samráðshópurinn þakkar Karólínu fyrir kynninguna.

Farið yfir samþykkt fyrir samráðshóp um málefni fatlaðs fólks, hlutverk hans og verkefni. Gerð áætlun um þau fundarefni sem hópurinn telur nauðsynlegt að taka fyrir á næstu mánuðum.