Samráðshópur um málefni fatlaðs fólks - 16

Kynnt sérhæfð úrræði velferðarsviðs í þjónustu við fötluð börn. Einnig kynnt félagsleg liðveisla eins og hún var og þær breytingar sem eru að eiga sér stað eftir að verkefnið var fært yfir á samfélagssvið.

Hlynur Már Erlingsson forstöðumaður á velferðarsviði, Bjarki Ármann Oddsson forstöðumaður á samfélagssviði og Giedré Grigaraviciuté verkefnastjóri á samfélagssviði sátu fundinn undir þessum lið.

Samráðshópurinn þakkar gestunum fyrir áhugaverðar umræður um málefni félagslegrar liðveislu.

Akureyrarbær finnur á hverju sumri störf til að mæta þörfum ungs fatlaðs fólks til sumarvinnu.

Orri Stefánsson verkefnastjóri á samfélagssviði og Helga Bergrún Sigurbjörnsdóttir verkstjóri á samfélagssviði sátu fundinn undir þessum lið.

Samráðshópurinn þakkar fyrir kynninguna og mun óska eftir að fá þau aftur á fund í haust og fara yfir stöðuna.

Samráðshópi um málefni fatlaðs fólks gefst tækifæri á að senda umsögn vegna umsóknar Ylfu um starfsleyfi til að reka stuðnings- og stoðþjónustu skv. 26. grein laga um félagsþjónustu sveitarfélaga og 8. grein laga um þjónustu við fatlað fólk með langvarandi stuðningsþarfir.

Samráðshópur um málefni fatlaðs fólks hefur yfirfarið þær upplýsingar sem liggja fyrir um fyrirtækið Ylfu sem sækir um starfsleyfi á Akureyri og nágrenni til að reka stuðnings- og stoðþjónustu.

Þær upplýsingar sem liggja fyrir gefa til kynna að um sé að ræða fyrirtæki sem er að veita umfangmikla stuðnings- og stoðþjónustu með hátt hlutfall fagfólks. Samráðshópurinn mælir með að veitt verði starfsleyfi til viðkomandi.