Samráðshópur um málefni fatlaðs fólks - 11

Kynning frá Vinnumálastofnun á stöðu fatlaðs fólks á vinnumarkaði auk kynningar á verkefni sem fór af stað í haust sem á að auka atvinnuþátttöku fatlaðs fólks.

Samráðshópurinn fékk kynningu á verkefninu "Færni á vinnumarkaði". Verkefnið fór af stað í haust og fyrsta keyrsla á að vera 3 mánuðir. Um er að ræða nám sem samanstendur af 70 klst. námi og 110 klst. starfsþjálfun. Valið var í þennan fyrsta hóp, ungt fatlað fólk sem var í atvinnuleit. Gengur vel en helstu athugasemdir sem hafa komið fram á landsvísu er að tímabilið sé of stutt og dagleg viðvera of löng miðað við markhópinn. Þeir sem standast kröfur fá í lokin Fagbréf atvinnulífsins. Gert er ráð fyrir að tekið verði tillit til athugasemda þegar næsti hópur fer a stað í febrúar.



Kynnt var staða atvinnu með stuðningi en þar er biðlisti eftir að komast á vinnumarkað. Umræða um PBI og af hverju færri umsóknir berast þangað er sennilega sú að fleiri vilja fara á almennan vinnumarkað og fordómar gegn staðnum. Þörf til framtíðar einhverskonar virkni og /eða þjálfunarstaður fyrir þá sem ekki ná að fóta sig á almennum vinnumarkaði.

Erna Kristín Hauksdóttir og Ellen Jónína Sæmundsdóttir starfsmenn Vinnumálastofnunar sátu fundinn undir þessum lið og er þeim þökkuð kynningin og þáttaka í góðum umræðum.

Lagður fram til kynningar samningur um samstarf þjónustuaðila á sviði endurhæfingar.