Samráðshópur um málefni fatlaðs fólks - 7

Lögð fram drög að breytingum að innilaug Sundlaugar Akureyrar, samráðshópur er beðinn um álit vegna aðgengismála.

Kristján Snorrason verkefnastjóri nýframkvæmda sat fundinn undir þessum lið og kynnti málið.

Samráðshópur þakkar Kristjáni fyrir góða kynningu og samþykkir tillögu nr. 2 í drögum að breytingum að innilaug Sundlaugar Akureyrar.

Búsetumál og biðlisti tekin til umræðu.

Ljóst er að veruleg seinkun hefur orðið á uppbyggingu í húsnæðismálum fyrir fatlað fólk sé litið til skýrslu um framtíðaruppbyggingu í málaflokki fatlaðra frá júní 2021. Samráðshópur lýsir yfir áhyggjum af stöðu biðlista sem upp er kominn varðandi búsetuúrræði fatlaðs fólks og hvetur til þess að gripið verði til fjölbreyttari aðgerða í húsnæðismálum.