Bæjarráð - 3752

Rætt um samning um fráveitu frá árinu 2013.

Helgi Jóhannesson forstjóri Norðurorku hf. mætti á fund bæjarráðs undir þessum lið.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Bæjarráð felur bæjarstjóra að ganga frá endurnýjun samnings við Norðurorku hf. í samræmi við umræður á fundinum.

Erindi dagsett 1. desember 2021 frá Andra Teitssyni f.h. Fallorku ehf. þar sem óskað er eftir verðbreytingu í samræmi við 12 mánaða breytingu á vísitölu neysluverðs október 2020 - október 2021, sem er 4,52%.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Bæjarráð samþykkir beiðni Fallorku ehf. enda taki breytingin gildi frá 1. febrúar nk. í samræmi við 7. grein samnings.

Lögð fram drög að samkomulagi milli Akureyrarbæjar og Knattspyrnufélags Akureyrar um uppbyggingu á félagssvæði KA.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Bæjarráð samþykkir samkomulagið og felur bæjarstjóra að undirrita það f.h. bæjarins.

Lagt fram til kynningar 11 mánaða rekstraryfirlit Akureyrarbæjar.

Lögð fram drög að húsnæðisáætlun Akureyrarbæjar.

Pétur Ingi Haraldsson sviðsstjóri skipulagssviðs sat fund bæjarráðs undir þessum lið.

Liður 18 í fundargerð skipulagsráðs dagsettri 8. desember 2021:

Lagt fram mæliblað fyrir lóðina Hlíðarbraut 4 sem er 6.414,6 m² verslunar- og þjónustulóð þar sem byggja má um 7.687 m² atvinnuhúsnæði á 2-5 hæðum með um 2.562 m² bílakjallara.

Skipulagsráð leggur til að lóðinni verði úthlutað með útboði í samræmi við ákvæði gr. 2.3 og 3.2 í reglum Akureyrarbæjar um úthlutun lóða og að byggt verði í samræmi við gildandi deiliskipulagsskilmála.

Ákvörðun um útboð er vísað til bæjarráðs.

Pétur Ingi Haraldsson sviðsstjóri skipulagssviðs sat fund bæjarráðs undir þessum lið.

Bæjarráð samþykkir með fimm samhljóða atkvæðum tillögu skipulagsráðs um að Hlíðarbraut 4 verði úthlutað með útboði og felur sviðsstjóra skipulagssviðs að ganga frá útboðsskilmálum.

Lögð fram drög að samningi milli Akureyrarbæjar og Vegagerðarinnar um yfirfærslu Hlíðarfjallsvegar (Borgarbrautar) nr. 837-01, frá Hringvegi (1-p7) að Hlíðarbraut og Hlíðarfjallsvegi nr. 837-02, frá Borgarbraut að Rangárvöllum.

Einnig lögð fram fundargerð frá fundi fulltrúa Vegagerðarinnar og Akureyrarbæjar 27. október sl.

Málið var áður á dagskrá bæjarráðs 18. nóvember sl. og var afgreiðslu þá frestað.

Bæjarráð samþykkir samninginn og felur bæjarstjóra að undirrita hann f.h. bæjarins.

Lögð fram til kynningar fundargerð 18. fundar öldungaráðs dagsett 6. desember 2021.

Fylgiskjöl

• Öldungaráð - 18. fundur 6. desember 2021 - fundargerð.pdf

Lögð fram til kynningar fundargerð 268. fundar stjórnar Norðurorku hf. dagsett 26. nóvember 2021.

Lögð fram fundargerð 222. fundar heilbrigðisnefndar Norðurlandssvæðis eystra dagsett 24. nóvember 2021.

Bæjarráð vísar töluliðum 1-3 undir liðnum önnur mál í fundargerðinni til umhverfis- og mannvirkjaráðs.

Fylgiskjöl

• 222-fundur 21-11-24.pdf