Stjórn Akureyrarstofu - 282

Hlynur Hallsson safnstjóri Listasafnsins fór yfir endurskoðaða fjárhagsáætlun safnsins fyrir árið 2019.

Stjórn Akureyrarstofu leggur áherslu á að nú þegar verði farið í hagræðingu í rekstri Listasafnsins og stefnt verði að því að hann verði innan fjárhagsáætlunar. Stjórnin telur að þær hugmyndir sem lagðar voru fram á fundinum séu ófullnægjandi. Stjórn felur jafnframt sviðsstjóra í samvinnu við fjársýslusvið að vinna úttekt á rekstri Listasafnsins á Akureyri á yfirstandandi rekstrarári.

Umræða um starfs- og fjárhagsáætlun stjórnar Akureyrarstofu fyrir árið 2020.

Í aðdraganda fjárhagsáætlunarvinnu vegna ársins 2020 vill stjórn Akureyrarstofu kanna möguleika á því að selja Sigurhæðir og óskar eftir umsögn Minjasafnsins á Akureyri um þá tillögu.



Stjórn Akureyrarstofu felur starfsmönnum að kanna möguleika á því að leigja eða selja húsnæði Deiglunnar.



Vegna takmarkaðrar nýtingar á frumkvöðlasetrinu við Glerárgötu 34 samþykkir stjórn Akureyrarstofu að segja upp samningum vegna starfseminnar við Glerárgötu og hún verði lögð niður í núverandi mynd. Í skoðun eru aðrar útfærslur í samstarfi við AFE.



Finnur Dúa fulltrúi V-lista er sammála bókuninni að öllu leyti en leggur áherslu á að Deiglan verði nýtt áfram undir menningar- og listatengda starfsemi.

Fylgiskjöl

• Starfsáætlun_stjórn_Akstofu_2019_15122018.pdf

Þórgnýr Dýrfjörð deildarstjóri Akureyrarstofu gerði grein fyrir vinnu við safnastefnu.

Erindi dagsett 12. júlí 2019 frá Gesti Einari Jónassyni f.h. Flugsafns Íslands þar sem óskað er eftir endurnýjun á samningi um rekstrarstyrk til Flugsafnsins.

Stjórn Akureyrarstofu samþykkir endurnýjun á rekstrarsamningi til þriggja ára að upphæð kr. 300.000 pr. ár.

Lagt fram minnisblað Maríu H. Tryggvadóttur verkefnastjóra ferðamála varðandi stöðu málsins.

Starfsmönnum falið að vinna áfram að málinu.

Fylgiskjöl

• Tinni_minnisblad_17072019.pdf

Lögð fram til kynningar samantekt á yfirvinnu í hlutfalli við dagvinnu á kostnaðarstöðvum sem heyra undir stjórn Akureyrarstofu.

Stjórn Akureyrarstofu leggur áherslu á að yfirvinna skuli vera innan áætlunar.

Fylgiskjöl

• Akureyrarstofa_yfirvinna_tímalisti.pdf
• Yfirvinna Stjorn Ak.stofu_juli.pdf