Afgreiðslufundur byggingarfulltrúa - 862

Erindi dagsett 4. júní 2021 þar sem Áslaug Ágústa Magnúsdóttir sækir um breikkun á núverandi úrtaki fyrir bílastæði til suðurs við hús nr. 22 í Kotárgerði til að mæta nýrri aðkeyrslu í bílskúr á lóðinni. Innkomin ný gögn 2. maí 2022.

Byggingarfulltrúi samþykkir bílastæði samkvæmt meðfylgjandi teikningu og úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 12. apríl 2022 þar sem Rögnvaldur Harðarson fyrir hönd Libertas ehf. sækir um leyfi til að breyta húsi nr. 114 við Þórunnarstræti í fjórar íbúðir. Meðfylgjandi eru teikningar eftir Rögnvald Harðarson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 19. apríl 2022 þar sem Friðrik Svavarsson tilkynnir um framkvæmd undanþegna byggingarleyfi. Framkvæmdin felur í sér lítilsháttar breytingu á burðarvirki. Meðfylgjandi er skýringarmynd.

Byggingarfulltrúi hefur móttekið tilkynningu um framkvæmdina og staðfestir að hún sé í samræmi við gildandi aðaluppdrætti og geti því fallið undir grein 2.3.5. í byggingarreglugerð nr. 112/2012 um minniháttar framkvæmd sem er undanþegin byggingarheimild og -leyfi.

Erindi dagsett 22. apríl 2022 þar sem Kári Magnússon fyrir hönd Reita skrifstofa ehf. sækir um byggingarleyfi fyrir stækkun verslunarrýmis á 1. hæð í húsi nr. 14 við Hvannavelli. Innkomnar nýjar teikningar 5. maí 2022.

Byggingarfulltrúi samþykkir erindið.

Erindi dagsett 25. apríl 2022 þar sem Karl Hjartarson fyrir hönd Geirs Sigurðssonar og Stellu Bryndísar Karlsdóttur sækir um byggingarleyfi fyrir einbýli á lóð nr. 4 við Matthíasarhaga. Meðfylgjandi eru teikningar eftir Karl Hjartarson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 3. maí 2022 þar sem Ívar Hauksson sækir um byggingarheimild fyrir húsi nr. 31 við Þingvallastræti. Húsið verður klætt að utan með bárujárnsklæðningu og gluggum skipt út. Að innan eru allar lagnir endurnýjaðar ásamt minniháttar breytingum á burðarvirki hússins.

Byggingarfulltrúi samþykkir erindið.

Erindi dagsett 29. apríl 2021 þar sem Árni Gunnar Kristjánsson fyrir hönd Önnu Sjafnar Stefánsdóttur sækir um byggingarleyfi fyrir breytingum í húsi nr. 1 við Skipagötu. Fyrirhugað er að sameina tvo matshluta í einn.

Byggingarfulltrúi samþykkir erindið. Eignaskiptasamningur þarf að liggja fyrir áður en breytingin verður tilkynnt til Þjóðskrár.

Erindi dagsett 31. mars 2022 þar sem Fanney Hauksdóttir fyrir hönd Sigurgeirs Svavarssonar ehf. sækir um byggingarleyfi fyrir raðhúsi á lóð nr. 4 við Hulduholt. Innkomnar nýjar teikningar 5. maí 2022.

Byggingarfulltrúi samþykkir erindið.