Vefur í vinnslu
Nýr vefur Akureyrarbæjar er í vinnslu. Vinsamlegast beinið öllum athugasemdum til vefstjórnar, vefstjorn@akureyri.is
Öldungaráð - 19
23.02.2022
Hlusta
- Kl. 09:00 - 11:00
- Fundarsalur á 2. hæð í Ráðhúsi
- Fundur nr. 19
Nefndarmenn
- Sigríður Stefánsdóttirvaraformaður
- Arnrún Halla Arnórsdóttir
- Elías Gunnar Þorbjörnsson
- Halldór Gunnarssonfulltrúi EBAK
- Valgerður Jónsdóttirfulltrúi EBAK
- Eva Björg Guðmundsdóttirfulltrúi HSN
Starfsmenn
- Bjarki Ármann Oddssonforstöðumaður skrifstofu ritaði fundargerð
Helgi Snæbjarnarson formaður boðaði forföll sem og varamaður hans.
Öldungaráð - ýmis mál
Málsnúmer 2019020301Til umræðu voru meðal annars aðgerðaáætlun í málefnum eldra fólks, aldursvænt samfélag, staða öldungaráðs, málefni öldrunarheimila og fjárhagsáætlun bæjarins.
Ásthildur Sturludóttir bæjarstjóri og Eva Hrund Einarsdóttir formaður fræðslu- og lýðheilsuráðs sátu fundinn undir þessum lið.Öldungaráð þakkar bæjarstjóra fyrir að koma á fund ráðsins og veittar upplýsingar. Ráðið leggur mikla áherslu á samþykkta aðgerðaáætlun fyrir eldra fólk og að unnið verði eftir henni skv. verk- og tímaáætlun. Óskað er eftir að bæjarstjóri fylgi þessu eftir. Einnig er ítrekuð ósk um að hafin verði vinna við næsta áfanga áætlunarinnar.
Ráðið bendir á að undirbúningur verkefnisins Akureyri aldursvænt samfélag átti að hefja sl. haust og ljúka vorið 2022. Óskað er eftir að bæjarstjóri fylgi því máli eftir og tilnefni starfsmann til að halda utan um vinnuna.
Enn og aftur er lögð áhersla á lögbundið hlutverk og því sem fram kemur í samþykkt bæjarins um öldungaráð verði fylgt. Þetta varðar t.d. skipulag þjónustu og stefnumótun. Ráðið bendir á að það fékk t.d. ekki kynningu og óskir um umsögn varðandi stjórnskipulagsbreytingar, um húsnæðisstefnu bæjarins og um breytingu á bílastæðamálum í miðbænum.Fylgiskjöl
Niðurstöður þjónustukönnunar Gallup 2021
Málsnúmer 2022010732Niðurstöður þjónustukönnunar Gallup fyrir árið 2021 lagðar fram til kynningar.
Frestað til næsta fundar.
Fylgiskjöl
Birta og Salka, félagsmiðstöðvar fólksins
Málsnúmer 2022020412Bjarki Ármann Oddsson forstöðumaður skrifstofu fræðslu- og lýðheilsusviðs kynnti dagskrá Birtu og Sölku á vorönn 2022.
Eva Hrund Einarsdóttir formaður fræðslu- og lýðheilsuráðs sat fundinn undir þessum lið.Öldungaráð þakkar kynninguna og lýsir ánægju með dagskrána. Ráðið telur að dagskrána eigi sífellt að þróa og gera það í samstarfi við Félag eldri borgara og með samhæfingu við félagsstarf þess. Gott væri einnig að leita eftir skoðunum og tillögum frá notendum.
Fylgiskjöl
Safnastefna Akureyrarbæjar
Málsnúmer 2014110087Safnastefna Akureyrarbæjar lögð fram til kynningar. Stefnan var send til umsagnar hjá öldungaráði.
Eva Hrund Einarsdóttir formaður fræðslu- og lýðheilsuráðs sat fundinn undir þessum lið.Öldungaráð lýsir ánægju með að farið var eftir umsögn öldungaráðs um stefnuna og viðbót gerð í samræmi við hana. Ráðið treystir því að unnið verði skv. þessu og sambærilegu ákvæði í aðgerðaáætlun í málefnum eldra fólks.
Fylgiskjöl
Heilsuefling eldri borgara - kynningarbréf
Málsnúmer 2022020682Kynningarbréf frá Landssambandi eldri borgara (LEB) og Íþrótta- og ólympíusambandi Íslands (ÍSÍ). En í janúar 2021 skilaði starfshópur, skipaður af heilbrigðisráðherra, skýrslu með tillögum um fyrirkomulag samstarfsverkefna í heilsueflingu aldraðra með það að markmiði að gera öldruðum kleift að búa í heimahúsum eins lengi og kostur er. Í kjölfar skýrslunnar settu LEB og ÍSÍ sameiginlega af stað verkefni sem stuðlaði að heilsueflingu aldraða.
Eva Hrund Einarsdóttir formaður fræðslu- og lýðheilsuráðs sat fundinn undir þessum lið.Markmið verkefnis, sem lýst er í bréfinu er í miklu samræmi við stefnu, sem fram kemur í aðgerðaáætlun í málefnum eldra fólks á Akureyri. Ráðið hvetur því til góðrar samvinnu um þetta mikilvæga mál.
Fylgiskjöl