Öldungaráð - 39

Hallgrímur Gíslason fór yfir starfsáætlun þriðja ársfjórðungs 2024.

Farið yfir stöðu á afgreiðslu í mat í Birtu og fjölgun matardaga.

Birna Guðrún Baldursdóttir forstöðumaður sagði frá óbreyttu ástandi varðandi matarmálin og áfram verður eldað á stöðvunum einu sinni í viku líkt og verið hefur

Öldungaráð hvetur enn og aftur til að allar mögulegar leiðir verði reyndar til að hægt verði að bjóða upp á heitan mat alla virka daga í félagsmiðstöðvunum.

Eva Björg Guðmundsdóttir fulltrúi HSN fór yfir hlutverk heimahjúkrunar og stöðuna sem er góð núna, engir biðlistar og staða í mönnunarmálum góð.

Fulltrúar EBAK lýsa yfir áhyggjum af öryggismálum í kjallaranum í Sölku og hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar.

Öldungaráð tekur undir áhyggjur EBAK.

Rætt um opnunartíma félagsmiðstöðva fólksins.

Fulltrúar EBAK óska bókað: Félagsmiðstöðvar á Akureyri eru opnar kl. 9:00-15:45 yfir veturinn alla virka daga, en nú er bara opið til kl. 13:00 á föstudögum, sem er ákaflega slæmt. Í sambærilegum miðstöðvum annars staðar er opnunartíminn yfirleitt kl. 8:00-16:00 eða 8:30-16:30 alla virka daga eða í 40 klst. í viku, meðan hann er eingöngu 31,00 klst. hér á Akureyri. Öldungaráð hvetur til að opnunartími félagsmiðstöðvanna verði endurskoðaður í samstarfi við EBAK.

Rætt um mögulegan akstur milli félagsmiðstöðva fólksins

Öldungaráð hvetur til að tilraunaverkefni með akstur frá Sölku að Birtu á fræðsluerindi eftir hádegi annan hvern mánudag, hefjist sem allra fyrst. Fljótlega verði einnig hugað að akstri á sömu leið í bingó á þriðjudögum.

Brynjólfur Ingvarsson sagði frá drögum að tillögum í búsetumálum eldri borgara á Akureyri.