Öldungaráð - 6

Lögð fram drög að starfsreglum fyrir öldungaráð.

Unnið verður áfram með reglurnar á næsta fundi.

Áframhald umræðu frá síðasta fundi.

Á fundi bæjarráðs þann 5. mars var eftirfarandi bókað:

"Bæjarráð tekur jákvætt í erindið og vísar umfjöllun til samráðsfundar bæjarstjórnar og öldungaráðs."

Til umræðu heilsuefling meðal eldri borgara.

Öldungaráð óskar eftir að stýrihópur um heilsueflandi samfélag mæti á næsta fund ráðsins.

Hrefna Hjálmarsdóttir vék af fundi kl. 09:45.

Mannréttindastefna Akureyrarbæjar lögð fram til umsagnar.

Öldungaráð gerir ekki athugasemdir við stefnuna.

Mál sett á dagskrá að beiðni fulltrúa EBAK.

Fjöldi eldri borgara og annarra hópa hefur notið góðrar aðstöðu og þjónustu á Punktinum á undanförnum árum.

Eldri borgurum fjölgar hratt og því mun frekar þurfa að bæta við rými til félagsstarfs, en að þrengja að því. Öldungaráð telur mikilvægt að taka tillit til þessara atriða þegar fjallað er um framtíð Punktsins.

Bæklingur búsetusviðs um þjónustu Akureyrarbæjar til eldri borgara lagður fram til umræðu.

Öldungaráð felur starfsmanni og varaformanni að koma athugasemdum við bæklinginn á framfæri við búsetusvið.

Jón Þór Kristjánsson verkefnastjóri upplýsingamiðlunar fór yfir helstu niðurstöður úr þjónustukönnun Gallup.

Fylgiskjöl

• Akureyri_þjónustukönnun_2019_.pdf

Þann 18. mars næstkomandi ætla SAk og ÖA að halda sameiginlegt málþing þar sem farið verður yfir hvernig til tókst með innleiðingu á lausnum í fjarheilbrigðis- og velferðarþjónustu og hvaða lærdóm megi draga af þeirri vinnu sem fram hefur farið en einnig er ætlunin að horfa fram á við og þá sérstaklega með það fyrir augum hvernig heilbrigðisþjónustan og velferðarkerfið geti unnið saman að því að innleiða rafrænar lausnir á fyrirsjáanlegum verkefnum framtíðar innan þessara geira.

Málþingið verður haldið að Hlíð kl. 09:00 - 14:00.