Öldungaráð - 31

Liður 5 í fundargerð velferðarráðs dagsettri 13. september 2023:

Velferðarráð vísar drögum að reglum um félagslegt leiguhúsnæði Akureyrarbæjar til öldungaráðs og samráðshóps um málefni fatlaðs fólks til umsagnar.

Karólína Gunnarsdóttir þjónustustjóri á velferðarsviði og Bergdís Bjarkadóttir forstöðumaður í stuðningsþjónustu sátu fund öldungaráðs undir þessum lið.

Öldungaráð gerir ekki athugasemdir við drögin að reglum um félagslegt leiguhúsnæði Akureyrarbæjar.

Karólína Gunnarsdóttir þjónustustjóri á velferðarsviði og Bergdís Bjarkadóttir forstöðumaður í stuðningsþjónustu kynntu stuðningsþjónustu Akureyrarbæjar.

Öldungaráð þakkar Bergdísi og Karólínu fyrir kynninguna.

Karólína Gunnarsdóttir þjónustustjóri á velferðarsviði og Bergdís Bjarkadóttir forstöðumaður í stuðningsþjónustu sátu fund öldungaráðs undir þessum lið.

Farið var yfir ástæður þess að Akureyrarbær er ekki eitt af þátttökusveitarfélögunum í verkefninu Gott að eldast. Öldungaráð þakkar Bergdísi og Karólínu fyrir skýr svör og greinargóðar upplýsingar.

Héðinn Svarfdal Björnsson verkefnastjóri lýðheilsumála sagði frá verkefninu Virkum efri árum og hvað sé á döfinni.

Umræður um lýðheilsustyrk fyrir eldri borgara.

Héðinn Svarfdal Björnsson verkefnastjóri lýðheilsumála sat fundinn undir þessum lið.

Stjórn Félags eldri borgara á Akureyri (EBAK) og öldungaráð Akureyrarbæjar beina því hér með til bæjaryfirvalda að komið verði á lýðheilsustyrk fyrir íbúa bæjarins 67 ára og eldri.

Markmið styrksins er að hvetja eldri íbúa bæjarins til þátttöku í heilsueflandi íþrótta- og tómstundastarfi og auka þannig lífsgæði þeirra með bættri heilsu.

Slíkur styrkur er í dag veittur í mörgum sveitarfélögum og kemur þeim vel sem stunda hreyfingu og/eða aðra heilsueflingu. Styrkurinn verði veittur einstaklingum gegn framvísun reiknings frá þeim viðurkenndu aðilum sem veita slíka þjónustu og samið verði við.

Reglur um styrk af þessu tagi geta verið í líkingu við frístundastyrk barna og unglinga.

Fulltrúar öldungaráðs og EBAK munu fúslega aðstoða við skipulagningu og framkvæmd verkefnisins ef og þegar þess verður óskað.

Vísað áfram til fræðslu- og lýðheilsuráðs.

AkureyrarAkademían í samstarfi við Akureyrarbæ stendur fyrir málþingi um umhverfis- og loftslagsmál þann 4. nóvember 2023 milli kl. 14:00 og 17:00. Óskað er eftir því að öldungaráð Akureyrarbæjar tilnefni fulltrúa í pallborð á málþinginu.

Öldungaráð tilnefnir Hallgrím Gíslason, fulltrúa EBAK, sem sinn fulltrúa í pallborði á málþinginu.