Fræðsluráð - 26

Berglind Ósk Guðmundsdóttir D-lista mætti í forföllum Þórhalls Harðarsonar. <br />

Inga Þöll Þórgnýsdóttir bæjarlögmaður kom á fundinn og kynnti leiðbeinandi reglur um myndatökur í leik- og grunnskólum.

Kynntar breytingar á gjaldskrá dagforeldra 1. janúar 2020, 1. febrúar 2020 og 1. apríl 2020.

Við ákvörðun gjaldskrár Akureyrarbæjar fyrir árið 2020 var gengið út frá 2,5% hækkun frá 1. janúar 2020 samkvæmt Lífskjarasamningi. Í ljósi þess að illframkvæmanlegt er að hækka hlut foreldra afturvirkt, tekur Akureyrarbær á sig alla hækkun frá 1. janúar til 31. mars, en gjaldskrá foreldra hækkar frá 1. apríl 2020 um 2,5%. Kostnaður foreldra við gjaldskrárhækkun miðað við hærra gjaldið fer því úr 28.256 kr. í 28.960 kr. miðað við 8 klst. dvalartíma án matarkostnaðar og lægra gjaldið fer úr 17.688 kr. í 18.128 kr. miðað við sama dvalartíma. Það skal tekið fram að leikskólagjaldið fyrir 8 klst. dvalartíma er nokkru hærra eða 29.872 kr. og 19.912 kr.

Áætlaður kostnaðarauki á árinu 2020 fyrir Akureyrarbæ vegna þessara hækkana er á bilinu 13-15 m.kr. Við afgreiðslu fjárhagsáætlunar fyrir árið 2020 er ekki áætlað fyrir breytingum vegna væntanlegra kjarasamninga.

Meirihluti fræðsluráðs samþykkir gjaldskrárhækkun á hlut foreldra um 2,5% frá 1. apríl 2020 og vísar til bæjarráðs.

Ekki er óskað eftir viðauka að svo stöddu.

Gjaldskráin var samþykkt með þremur atkvæðum meirihluta fræðsluráðs.

Berglind Ósk Guðmundsdóttir D-lista og Rósa Njálsdóttir M-lista sátu hjá.

Forstöðumaður rekstrar gerði grein fyrir tillögu um búnaðarkaup í leik-, grunn- og tónlistarskóla árið 2020.

Fræðsluráð samþykkir fyrirliggjandi tillögu og greiðslu á lausafjárleigu vegna kaupanna og vísar afgreiðslu til umhverfis- og mannvirkjaráðs. Jafnframt hvetur fræðsluráð skólastjórnendur til að huga að fjölbreyttu námsumhverfi, takmarkaðri kyrrsetu og ólíkum þörfum nemenda þegar skipulögð eru búnaðarkaup í kennslustofur, s.s. dýnur á gólf eða borð til að standa við.

Þuríður S. Árnadóttir fulltrúi VG gerir eftirfarandi bókun varðandi úthlutun til búnaðarkaupa í leik-, grunn- og tónlistarskóla árið 2020.

Þegar endurnýja á stóla og borð í kennslustofum skal horft til nýrra þátta; keypt sé hækkanleg borð fyrir 2/3 nemenda, stólar fyrir 1/3 nemenda, sófar og dýnur fyrir 1/3. Auk þess verði keypt eitt þrekhjól, hengirúm ef góðar festingar eru fyrir hendi og eitt lítið trampolín.

Forstöðumaður rekstrar kynnti tillögu að skiptingu fjármuna vegna nútímavæðingar skólanna fyrir árið 2020.

Fræðsluráð samþykkir fyrirliggjandi tillögu um skiptingu fjármagns til þróunar skólastarfs í leik- og grunnskólum.

Erindi frá Dagvistun félagi dagforeldra á Akureyri dagsett 12. febrúar 2020 með ósk um að þau fái greiddar afturvirkar hækkanir (eingreiðslu) sem eru hluti af nýsamþykktum kjarasamningi Starfsgreinasambandsins/Einingar-Iðju við Samband íslenskra sveitarfélaga.

Fræðsluráð hafnar erindinu.

Dagforeldrar eru verktakar og því ekki aðilar að umræddum kjarasamningi.

Anna Bergrós Arnarsdóttir skólastjóri, Rannveig Sigurðardóttir aðstoðarskólastjóri, Fjóla Kristín Helgadóttir deildarstjóri, Oliwia Moranska nemandi í 10. bekk og Þura Björgvinsdóttir nemandi í 10. bekk komu á fundinn og kynntu starf Oddeyrarskóla.