Kjarasamninganefnd - 3

Tekið fyrir erindi dagsett 4. júní 2019 frá Karli Frímannssyni sviðsstjóra fræðslusviðs þar sem óskað er eftir undanþágu frá verklagsreglum Akureyrarbæjar um auglýsingar starfa vegna ráðninga nemenda í leikskólakennarafræðum í launaða starfsþjálfun til eins árs.

Kjarasamninganefnd tekur jákvætt í erindið og leggur til við bæjarráð að framlögð tillaga að breytingum á verklagsreglum um auglýsingar starfa verði samþykkt.

Fylgiskjöl

• Samkomulag um launað starfsár 3.5.2019.pdf

Tekið fyrir erindi dagsett 31. maí 2019 frá Eyrúnu Skúladóttur skólastjóra Glerárskóla vegna greiðslu tímabundinna viðbótarlauna (TV eininga) samkvæmt heimildarákvæði í kjarasamningi Sambands íslenskra sveitarfélaga við Félag grunnskólakennara.

Kjarasamninganefnd hafnar erindinu. Akureyrarbær hefur ekki nýtt heimildarákvæði kjarasamnings Félags grunnskólakennara um tímabundin viðbótarlaun frekar en önnur sveitarfélög.

Fylgiskjöl

• FG SNS Tímabundin viðbótarlaun.pdf
• Samþykkt bæjarráðs v TV 8 apríl 2016.pdf

Lögð fram tillaga þess efnis að veitt verði tímabundin heimild til breytingar á verklagi við mat á fagaldri tilgreinda starfa starfsmanna í aðildarfélögum BHM.

Kjarasamninganefnd samþykkir fyrir sitt leyti framlagða tillögu um að veitt verði tímabundin heimild til að meta starfsreynslu hjá Akureyrarbæ í störfum í Kili sem að umtalsverðum hluta innihalda sömu verkefni og sérfræðistörf í BHM til fagaldurs samkvæmt kjarasamningum BHM og SNS að því skilyrði uppfylltu að starfsmaður hafi lokið háskólanámi sem nýttist í viðkomandi starfi í Kili, áður en hann hóf störf.

Áður á dagskrá 26. apríl 2019.

Umfjöllun um endurskoðun á reglum um stjórnendaálag deildarstjóra hjá Akureyrarbæ.

Unnið að breytingum á reglum og afgreiðslu frestað þar sem ekki liggur fyrir niðurstaða í starfsmati allra starfa í stéttarfélögum sem samið hafa um starfsmat.

Áður á dagskrá 26. apríl 2019.

Umfjöllun um endurskoðun á reglum um stjórnendaálag forstöðumanna hjá Akureyrarbæ.

Unnið að breytingum á reglum og afgreiðslu frestað þar sem ekki liggur fyrir niðurstaða í starfsmati allra starfa í stéttarfélögum sem samið hafa um starfsmat.