Kjarasamninganefnd - 4

Áður á dagskrá kjarasamninganefndar 27. nóvember 2020.

Erindi frá Karli Frímannssyni sviðsstjóra fræðslusviðs dagsett 26. nóvember 2020 vegna bókunar 5 í nýgerðum kjarasamningi Sambands íslenskra sveitarfélaga og Skólastjórafélags Íslands.

Karl Frímannsson sviðsstjóri fræðslusviðs sat fundinn undir þessum dagskrárlið.

Kjarasamninganefnd frestar afgreiðslu og felur sviðsstjóra fræðslusviðs og sviðsstjóra stjórnsýslusviðs að vinna málið áfram í samræmi við unræður á fundinum.

Bæjarráð bókaði á fundi sínum 11. mars 2021:

Lögð fram tillaga að breytingu á skipuriti fjársýslusviðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir fyrir sitt leyti tillögu að breytingu á skipuriti fjársýslusviðs og vísar málinu til kjarasamninganefndar.

Kjarasamninganefnd leggur til við bæjarráð að greitt verði stjórnendaálag fyrir nýtt starf forstöðumanns hag- og áætlanadeildar á fjársýslusviði frá 1. apríl 2021.

Bryndís Elfa Valdemarsdóttir jafnréttisráðgjafi Akureyrarbæjar fór yfir helstu breytingar á nýrri jafnréttislöggjöf og áhrif þeirra á sveitarfélög.

Umfjöllun um styttingu vinnuviku dagvinnufólks 1. janúar 2021.

Kynnt tillaga að tímabundnu samkomulagi við Einingu-Iðju vegna innleiðingar á Betri vinnutíma í Þrastarlundi.

Kjarasamninganefnd leggur til við bæjarráð að tillaga að tímabundnu samkomulagi við Einingu-Iðju vegna innleiðingar Betri vinnutíma vaktavinnufólks i Þrastarlundi verði samþykkt.