Kjarasamninganefnd - 1

Lögð fram tillaga að endurskoðun á Reglum um símenntun starfsfólks Akureyrarbæjar sem samþykkt var á fundi fræðslunefndar 4. febrúar 2019.

Kjarasamninganefnd samþykkir tillögu fræðslunefndar og vísar henni til afgreiðslu í bæjarráði.

Lögð fyrir tillaga að breytingum á Samþykkt um styrki til námsleyfa sérmenntaðs starfsfólks Akureyrarbæjar sem samþykkt var á fundi fræðslunefndar 4. febrúar 2019.

Kjarasamninganefnd samþykkir tillögu fræðslunefndar og vísar henni til afgreiðslu í bæjarráði.

Kynnt tillaga að breytingum á núgildandi verklagsreglum um auglýsingar starfa og tímabundnar ráðningar hjá Akureyrarbæ.

Kjarasamninganefnd samþykkir framlagða tillögu og vísar henni til afgreiðslu í bæjarráði.

Gunnar Gíslason mætti á fund nefndarinnar kl. 13:30. <br />

Kynnt staða vinnu við innleiðingu starfsmats hjá þeim aðildarfélögum BHM sem samið hafa um starfsmat í kjarasamnningum við Samband íslenskra sveitarfélaga. Ítarlegar upplýsingar um starfsmat sveitarfélaga má nálgast á www.starfsmat.is.

Lögð fram tillaga að breytingum á verklagsreglum Akureyrarbæjar um greiðslur fyrir akstur í þágu vinnuveitanda.

Kjarasamninganefnd samþykkir framlagða tillögu og vísar henni til afgreiðslu í bæjarráði.

Áður á dagskrá bæjarráðs 7. febrúar 2019.

Liður 1 í fundargerð velferðarráðs dagsettri 6. febrúar 2018:

Lagt er fyrir minnisblað frá Laufeyju Þórðardóttur settum sviðsstjóra búsetusviðs þar sem beðið er um breytingu á skipuriti til að ráða nýjan forstöðumann.

Velferðarráð samþykkir breytingu á skipuriti og vísar málinu til bæjarráðs.



Bæjarráð samþykkir breytingu á skipuriti búsetusviðs enda rúmist hún innan fjárhagsáætlunar og vísar málinu til kjarasamninganefndar til afgreiðslu.

Kjarasamninganefnd staðfestir að nýtt starf forstöðumanns þjónustu við börn, á búsetusviði, uppfyllir skilyrði reglna Akureyrarbæjar um greiðslu stjórnendaálags forstöðumanna.