Kjarasamninganefnd - 1

Erindi frá framkvæmdastjóra búsetudeildar, Kristínu Sóley Sigursveinsdóttur, dags. 1. febrúar 2011 varðandi túlkun á reglum Akureyrarbæjar um stjórnendaálag skv. grein 1.5.3 í kjarasamningi launanefndar sveitarfélaga og aðildarfélaga BHM.\nKarl Guðmundsson verkefnastjóri sat fund nefndarinnar undir þessum lið.

<DIV><DIV><DIV>Samhljóða niðurstaða kjarasamninganefndar varðandi túlkun á 5. gr. skilgreiningar Akureyrarbæjar um greiðslu stjórnendaálags er að starf forstöðumanns skammtímavistunar og Árholts uppfylli ekki skilyrði 5. greinar vegna greiðslu viðbótarálags.  Starfið uppfyllir ekki c. lið 5. greinar sem er svohljóðandi: "5. c. Stjórnandi stýrir meira en einni starfseiningu. Starfseining telst vera sambýli/þjónustukjarni þar sem 4 eða fleiri íbúar búa." </DIV></DIV></DIV>

Umfjöllun um yfirvinnu hjá stofnunum íþróttadeildar.

<DIV><DIV>Umfjöllun frestað til næsta fundar kjarasamninganefndar.</DIV></DIV>

Erindi dags.11. janúar 2011 frá forstöðumanni sambýlisins Geislatúni 1 og framkvæmdastjóra búsetudeildar vegna launaröðunar deildarstjóra skv. stofnanasamningi Akureyrarbæjar og SFR.

<DIV>Kjarasamninganefnd Akureyrarbæjar tók fyrir á fundi sínum 29. apríl 2009 erindi varðandi endurskoðun á launaröðun í stofnanasamningi SFR og Akureyrarbæjar dags. 17. janúar 2007. Bókun kjarasamninganefndar er svohljóðandi: "Kjarasamninganefnd lítur svo á að forsendur sem lágu til grundvallar þegar gengið var frá samningi í janúar 2007 um launaröðun starfa skv. kjarasamningi SFR og fjármálaráðherra f.h. ríkissjóðs hafi ekki breyst og því ekki tilefni til breytinga á samningi aðila."</DIV><DIV>Miðað við forsögu þessa máls er niðurstaða kjarasamninganefndar að afgreiðsla kjarasamninganefndar 29. apríl 2009 standi óbreytt.</DIV>