Afgreiðslufundur byggingarfulltrúa - 781

Erindi dagsett 14. júlí 2020 þar sem Haraldur Sigmar Árnason fyrir hönd SS Byggis ehf., kt. 620687-2519, sækir um byggingarleyfi fyrir 3ja hæða fjölbýlishús nr. 1 við Elísabetarhaga á lóðinni Kjarnagötu 51.

Meðfylgjandi eru teikningar eftir Harald Sigmar Árnason. Innkomnar nýjar teikningar 10. september 2020.

Byggingarfulltrúi samþykkir erindið.

Erindi dagsett 24. júlí 2020 þar sem Gísli Jón Kristinsson fyrir hönd Landsnets hf., kt. 580804-2410, sækir um byggingarleyfi fyrir 220 kV GIS tengivirki og spennahús. Meðfylgjandi eru teikningar eftir Gísla Jón Kristinsson.

Byggingarfulltrúi samþykkir erindið.

Erindi dagsett 19. ágúst 2020 þar sem Ragna Valdís Elísdóttir sækir um byggingarleyfi fyrir endurnýjun svala á húsi nr. 9 við Höfðahlíð. Meðfylgjandi er samþykki meðeigenda í húsinu.

Byggingarfulltrúi frestar erindinu þar sem aðaluppdrættir og önnur gögn hafa ekki borist.

Erindi dagsett 25. ágúst 2020 þar sem Bergur Steingrímsson fyrir hönd Isavia Innanlandsflugvalla ehf., kt. 591219-1380, sækir um byggingarleyfi fyrir byggingu dæluskýlis og aðstöðu fyrir eldsneytistanka á flugvallarsvæðinu við Eyjafjarðarbraut. Meðfylgjandi eru teikningar eftir Berg Steingrímsson.

Byggingarfulltrúi samþykkir erindið.

Erindi dagsett 26. ágúst 2020 þar sem Adam Traustason fyrir hönd Akureyrarbæjar, kt. 410169-6229, sækir um byggingarleyfi fyrir göngubrú í Naustagili. Meðfylgjandi eru teikningar eftir Adam Traustason.

Byggingarfulltrúi samþykkir erindið.

Erindi dagsett 26. ágúst 2020 þar sem Kári Magnússon fyrir hönd Hörpu Snædal sækir um byggingarleyfi fyrir breytingum á burðarvirki þaks á húsi nr. 114 við Byggðaveg. Meðfylgjandi er teikning eftir Fanneyju Hauksdóttur.

Byggingarfulltrúi samþykkir erindið.

Erindi dagsett 26. ágúst 2020 þar sem Kári Magnússon fyrir hönd Reita - skrifstofa ehf., kt. 530117-0730, sækir um byggingarleyfi fyrir breytingum innanhúss á fyrstu hæð í Hvannavöllum 14. Fyrirhugað er að breyta verslunarrými í dansskóla. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið.

Erindi dagsett 26. ágúst 2020 þar sem Kári Magnússon fyrir hönd N1/Festi ehf., kt. 411003-3370, sækir um byggingarleyfi fyrir breytingum á innra skipulagi í húsi nr. 1 við Réttarhvamm. Meðfylgjandi er brunahönnun fyrir húsið og teikningar eftir Önnu Margréti Hauksdóttur.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 28. ágúst 2020 frá Jens Kristni Gíslasyni þar sem hann sækir um leyfi til að gera bílastæði og úrtak úr kantsteini við hús nr. 9 við Hlíðargötu samkvæmt meðfylgjandi teikningu.

Byggingarfulltrúi samþykkir bílastæðið með 4 metra úrtaki með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Erindi dagsett 31. ágúst 2020 þar sem Ármann Hólm Smárason sækir um leyfi til að gera bílastæði og fá úrtak úr kantsteini syðst á lóð við hús nr. 4 við Laxagötu.

Byggingarfulltrúi frestar erindinu og óskar eftir samþykki eiganda.

Erindi dagsett 31. ágúst 2020 þar sem Hildigunnur Rut Jónsdóttir sækir um heimild fyrir kerrustæði og úrtaki úr kantsteini við hús sitt nr. 11 við Beykilund. Meðfylgjandi er skýringarmynd.

Byggingarfulltrúi samþykkir stækkun á bílastæði en getur ekki fallist á stækkun á úrtaki umfram 7 metra með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Erindi dagsett 1. september 2020 þar sem Kári Magnússon fyrir hönd Norðurorku hf., kt. 550978-0169, sækir um byggingarleyfi fyrir 6 m mastri á þak spennistöðvar Norðurorku við Þingvallastræti, L149796. Meðfylgjandi er aðaluppdráttur.

Byggingarfulltrúi óskar umsagnar skipulagsráðs um erindið.

Erindi dagsett 1. september 2020 þar sem Anna Margrét Hauksdóttir fyrir hönd Filippíu Jónsdóttur sækir um byggingarleyfi fyrir svalalokunum á 1. hæð húss nr. 14 við Halldóruhaga.

Byggingarfulltrúi samþykkir erindið.

Erindi dagsett 3. september 2020 þar sem F hús ehf., kt. 681009-1080, sækir um bílastæði á suðurhluta lóðar og úrtak úr kantsteini við hús nr. 26 við Norðurgötu. Meðfylgjandi er skýringarmynd og samþykki meðeiganda.

Byggingarfulltrúi samþykkir 3 metra breytt bílastæði og 4 metra úrtak úr kantsteini með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Erindi dagsett 3. september 2020 þar sem Aðalsteinn Snorrason fyrir hönd Haga hf., kt. 670203-2120, sækir um byggingarleyfi fyrir breytingum og stækkun á anddyri á húsi nr. 17 við Furuvelli. Meðfylgjandi eru teikningar eftir Aðalstein Snorrason.

Byggingarfulltrúi samþykkir erindið.