Afgreiðslufundur skipulagsstjóra - 549

Innkomnar teikningar 10. júlí 2015 eftir Berg Steingrímsson þar sem hann f.h. Stórverks ehf., kt. 530400-3790, óskar eftir breytingum á Byggðavegi 91.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 14. júlí 2015 þar sem Brynjar Einarsson f.h. Úrbótamanna ehf., kt. 410685-0598, sækir um breytingar á áður samþykktum teikningum. Meðfylgjandi eru teikningar eftir Brynjar Einarsson.

Skipulagsstjóri samþykkir erindið.

Erindi dagsett 14. júlí 2015 þar sem Gunnar Björn Þórhallsson f.h. Tengis hf., kt. 660702-2880, óskar eftir útgáfu framkvæmdaleyfis sbr. bókun skipulagsnefndar 29. apríl 2015. Um er að ræða framkvæmdir við ljósleiðaralögn á eftirtöldum svæðum sbr. meðfylgjandi uppdrætti:

1. Ásvegur.

2. Hamarstígur-Mýrarvegur.

Skipulagsstjóri samþykkir að gefa út framkvæmdaleyfi fyrir ofantalin verk. Framkvæmdir skulu gerðar í samræmi við verklagsreglur Akureyrarbæjar um yfirborðsfrágang í bæjarlandinu. Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur. Framkvæmdaleyfið gildir í eitt ár frá útgáfu leyfis og gildir einungis fyrir svæði utan íbúðarhúsalóða og annarra úthlutaðra lóða. Umsækjandi beri kostnað vegna færslu lagna á óskipulögðum svæðum ef færa þarf lagnirnar vegna nýskipulags.

Erindi dagsett 9. júlí 2015 þar sem Ágúst Hafsteinsson f.h. Bókhalds og ráðgjafar Auditor ehf., kt. 440302-3270, sækir um breytingar utanhúss á húsi nr. 21 við Krókeyrarnöf. Meðfylgjandi eru teikningar eftir Ágúst Hafsteinsson.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 10. júlí 2015 þar sem Snorri Magnússon sækir um breytingar utanhúss á Kringlumýri 11. Meðfylgjandi eru teikningar eftir Valbjörn Ægi Vilhjálmsson.

Skipulagsstjóri samþykkir erindið.

Erindi dagsett 10. júlí 2015 þar sem Logi Már Einarsson f.h. Björns Ómars Sigurðarsonar sækir um að setja upp vegg á lóðarmörkum norðan við hús nr. 21 við Tjarnartún. Meðfylgjandi er teikning eftir Loga Má Einarsson.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 10. júlí 2015 þar sem Anton Örn Brynjarsson f.h. Einholts 10, húsfélags, kt. 621004-3280, sækir um endurgerð á þaki á Einholti 10. Meðfylgjandi eru teikningar eftir Anton Örn Brynjarsson.

Skipulagsstjóri frestar erindinu og óskar eftir greinargerð sbr. 4.5.3. gr. í byggingarreglugerð um loftun og einangrun í þaki. Einnig er óskað eftir útreikningi á kólnunartölum þaks.

Erindi dagsett 6. júlí 2015 þar sem Valgerður Melstað sækir um sameiningu fasteignanúmera í húsi nr. 2 við Bjarmastíg. Innkomnar teikningar 14. júlí 2015.

Skipulagsstjóri samþykkir erindið.

Erindi dagsett 5. janúar 2015 þar sem Haraldur Árnason f.h. Laxagötu ehf., kt. 481214-0680, sækir um breytingar innan- og utanhúss á Óseyri 1a. Meðfylgjandi eru teikningar eftir Harald Árnason.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 16. júlí 2015 þar sem Aðalsteinn Snorrason f.h. Reita fasteignafélags hf., kt. 711208-0700, sækir um breytingar utanhúss við Furuvelli 17. Meðfylgjandi eru teikningar eftir Aðalstein Snorrason.

Skipulagsstjóri samþykkir erindið.