Umhverfis- og mannvirkjaráð - 108

Farið yfir framkvæmdaáætlun 2022 hjá Fasteignum Akureyrarbæjar.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir framlagða framkvæmdaáætlun fyrir sitt leyti og vísar til bæjarráðs.

Farið yfir endurnýjun á þjónustusamningi í sorpmálum 2022. Samningur við Terra rennur út í lok nóvember 2022.

Eygerður Margrétardóttir sérfræðingur hjá Sambandi íslenskra sveitarfélaga kynnti gegnum fjarfundarbúnað breytingar á sorpmálum sem taka gildi 1. janúar 2023.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð samþykkir að fela Rut það hlutverk að fara af stað með vinnu á útboði í sorpmálum með tilliti til nýrra laga sem taka gildi 1. janúar 2023. Samþykkt var að vinna nýtt útboð til samræmis við breytingar á lögum.

Tekin fyrir svæðisáætlun um meðhöndlun úrgangs á Norðurlandi 2015-2026 þar sem talað er um að sveitarstjórn skuli á a.m.k. sex ára fresti meta og taka ákvörðun um hvort þörf sé á að endurskoða svæðisáætlun um meðhöndlun úrgangs.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð vísar málinu til SSNE og að vinna við nýja svæðisáætlun eigi að taka mið af nýjum lögum um úrgangsmál.

Ræddar breytingar á forgangi í snjómokstri 2021-2022.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð samþykkir framlagðar tillögur ásamt viðbót sem rætt var um á fundinum.

Svarbréf Ferðafélags Akureyrar dagsett 13. október 2021 varðandi framkvæmdir við stíg á Glerárdal lagt fram til upplýsingar.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð fyrirhugar skoðunarferð um svæðið næsta vor.

Tekin fyrir útfærsla á gjaldtökukerfi fyrir bifreiðastæðasjóð Akureyrar.

Tómas Björn Hauksson forstöðumaður nýframkvæmda sat fundinn undir þessum lið.

Umhverfis- og mannvirkjaráð samþykkir að innleiða gjaldtökukerfi í kringum áramót og að settir verði upp 3 stöðumælar. Aðal greiðsluleiðin verði snjallforrit í síma.

Lagt fram minnisblað dagsett 21. nóvember 2021 varðandi opnun tilboða í gatnagerð og lagnir í Holtahverfi norður 1. áfangi.

Tómas Björn Hauksson forstöðumaður nýframkvæmda sat fundinn undir þessum lið.

Umhverfis- og mannvirkjaráð samþykkir að ganga til samninga við Nesbræður ehf.

Lagt fram minnisblað dagsett 22. október 2021 varðandi endurnýjun á tækjum umhverfismiðstöðvar og SVA.

Farið var yfir endurnýjun á tækjum umhverfismiðstöðvar og SVA. Umhverfis- og mannvirkjaráð samþykkir framlagðar tillögur, hafa þarf vistvæn ökutæki til hliðsjónar í kaupum á tækjum.

Verkfundargerðir fyrir Glerárbrú, Skarðshlíð, Lundarskóla A-álmu og Lundarskóla B-álmu lagðar fram.

Umhverfis- og mannvirkjaráð samþykkir framlagðar verkfundargerðir.