Íþróttaráð - 195

Eiríkur Björn Björgvinsson bæjarstjóri mætti til viðræðana við ráðið.

Á fundi sínum 3. mars 2016 gerði bæjarráð eftirfarandi bókun:



Erindi dagsett 17. febrúar 2016 frá mennta- og menningarmálaráðuneytinu þar sem vísað er til ákvæða 4. gr. reglugerðar nr. 362/1995 um Vetraríþróttamiðstöð Íslands og óskað eftir að Akureyrarbær tilnefni tvo fulltrúa og tvo varafulltrúa í stjórn Vetraríþróttamiðstöðvar Íslands til næstu fjögurra ára. Skipunartími stjórnar rennur út 1. mars 2016. Samkvæmt reglugerðinni er annar fulltrúi Akureyrarbæjar formaður stjórnar.



Óskað er eftir með skírskotun til 15. gr. laga nr. 10/2008 að tilnefndir verði fjórir einstaklingar, tveir karlar og tvær konur. Ráðherra skipar í stjórnina og velur úr tilnefningum svo kynjaskipting sé sem jöfnust.



Bæjarráð tilnefnir Siguróla Magna Sigurðsson og Þórunni Sif Harðardóttur sem aðalmenn og Ingibjörgu Ólöfu Isaksen og Jónas Björgvin Sigurbergsson til vara.

Lagt fram til kynningar.

Farið yfir stöðuna á vinnu við mögulega úthýsingu Hlíðarfjalls. Lögð fram samantekt frá Atvinnuþróunarfélagi Eyjafjarðar varðandi úthýsingu Hlíðarfjalls. Einnig lagt fram til kynningar yfirlit frá Karli Guðmundssyni um rekstur Hlíðarfjalls 2009-2015.

Íþróttaráð þakkar Atvinnuþróunarfélagi Eyjafjarðar fyrir samantektina.

Íþróttaráð leggur til að skoðaðir verði möguleikar á að fara í úthýsingu á rekstri Hlíðarfjalls til lengri tíma og í samræmi við tillögur Atvinnuþróunarfélags Eyjafjarðar.

Íþróttaráð vísar erindinu til bæjarráðs.

Í samræmi við niðurstöðu aðgerðarhóps bæjarráðs eru lagðar fram tillögur að viðauka við gildandi fjárhagsáætlun yfirstandandi árs.

Íþróttaráð samþykkir fyrirlagða viðauka við gildandi fjárhagsáætlun og vísar erindinu til bæjarráðs.

Lagðar fram tillögur að viðauka við gildandi fjárhagsáætlun yfirstandandi árs vegna endurnýjunar rekstrarsamninga við aðildarfélög ÍBA á árinu 2016.

Íþróttaráð samþykkir fyrirlagðan viðauka við gildandi fjárhagsáætlun og vísar erindinu til bæjarráðs.

Lögð fram til kynningar rekstrarstaða fjárhagsáætlunar íþróttaráðs fyrir janúar til og með júlí 2016.

Unnið að fjárhagsáætlun íþróttaráðs starfsárið 2017.