Íþróttaráð - 196

Unnið að fjárhagsáætlun íþróttaráðs fyrir starfsárið 2017.

Elín H. Gísladóttir forstöðumaður Sundlaugar Akureyrar mætti á fundinn undir þessum lið.

Íþróttaráð samþykkir fyrirlögð drög að fjárhagsáætlun íþróttamála og gjaldskrá fyrir íþróttamannvirki fyrir starfsárið 2017 og 3ja ára áætlun fyrir árin 2018-2020 og vísar drögunum til bæjarráðs.



Íþróttaráð óskar eftir viðauka í fjárhagsáætlunarramma ráðsins til að geta endurnýjað snjótroðara í Hlíðarfjalli árið 2017. Íþróttaráð óskar eftir kr. 60.000.000 framlagi bæjarráðs til að geta endurnýjað búnaðinn.



Íþróttaráð óskar eftir því við stjórn Fasteigna Akureyrarbæjar að á árinu 2017 verði farið í endurbætur á aðstöðu í íþróttahúsi Laugargötu og að aðstöðunni verði breytt til að mæta nýjum þörfum, að íþróttagólfinu í íþróttamiðstöð Glérárskóla verði endurnýjað, að anddyri að íþróttamiðstöð Giljaskóla verði stækkað, að lokið verði við uppsetningu á nýrri rennibraut við Sundlaug Akureyrar og að sett verði upp tjald til að tvískipta íþróttasal íþróttahúss Lundarskóla.



Íþróttaráð samþykkir endurskoðað framkvæmdayfirlit íþróttamála 2016-2021 og vísar því til stjórnar Fasteigna Akureyrarbæjar.



Íþróttaráð samþykkir tillögur að búnaðarkaupum fyrir árið 2017 í íþróttamannvirki bæjarins og vísar tillögunum til stjórnar Fasteigna Akureyrarbæjar.



Íþróttaráð felur forstöðumanni íþróttamála að koma á framfæri þeim athugasemdum sem fram komu á fundinum.

Alfa Dröfn Jóhannsdóttir V-lista vék af fundi kl. 14:30.
Birna Baldursdóttir L-lista vék af fundi kl. 14:43.