Íþróttaráð - 165

Farið yfir drög að samningi um lokagreiðslur uppbyggingar- og framkvæmdasamnings Golfklúbbs Akureyrar frá 2007.

Íþróttaráð samþykkir samninginn og felur forstöðumanni íþróttamála að vinna málið áfram.

Erindi dagsett 10. mars 2015 frá Einari Gunnlaugssyni formanni BA þar sem félagið óskar eftir afnotum af Boganum fyrir árlega bílasýningu 17. júní nk.

Íþróttaráð samþykkir umsókn Bílaklúbbs Akureyrar um afnot af Boganum í tilefni bílasýningar 17. júní nk. Bílaklúbbur Akureyrar skal fylgja eftir verklýsingu og hafa fullt samráð við umsjónarmann Bogans. Bílaklúbbur Akureyrar annast þvott á gervigrasi eftir sýninguna.

Erindi dagsett 16. mars 2015 frá Guðrúnu Gísladóttur f.h. Átaks heilsuræktar þar sem óskað er eftir því að unglingar geti fengið að nýta frístundastyrk Akureyrarbæjar á tiltekin námskeið í Átaki heilsurækt.

Íþróttaráð samþykkir erindið og heimilar Átaki heilsurækt að taka á móti frístundastyrkjum fyrir námskeið fyrir 12-17 ára unglinga.

Erindi dagsett 5. mars 2015 frá Sigurði S. Sigurðssyni formanni SA þar sem félagið óskar eftir því að opna Skautahöllina 20. júlí í sumar, í stað 15. ágúst sbr. rekstrarsamning.

Íþróttaráð fagnar þátttöku SA í unglingalandsmóti 2015 á Akureyri og samþykkir erindið.

Lagður fram til kynningar 6. liður í fundargerð bæjarráðs dagsett 12. mars 2015:

Erindi dagsett 30. janúar 2015 frá framkvæmdastjóra Íþróttafélagsins Þórs þar sem óskað er eftir 2,5 millj. kr. fjárstuðningi í tilefni af 100 ára afmæli félagsins á þessu ári.

Bæjarráð samþykkir að veita Íþróttafélaginu Þór styrk að upphæð kr. 1,5 millj. kr. vegna 100 ára afmæli félagsins. Færist af styrkveitingum bæjarráðs.

Þórunn Sif Harðardóttir D-lista vék af fundi kl. 14:35.

Lögð fram til kynningar staða framkvæmda við íþróttahús Naustaskóla.

2. liður í fundargerð stjórnar Afrekssjóðs Akureyrar dagsett 9. mars 2015:

Farið yfir Samþykkt Afrekssjóðs og unnið að verklags- og vinnureglum vegna heiðursviðurkenninga og viðurkenninga vegna landsliðsmanna og Íslandsmeistara.

Stjórn Afrekssjóðs samþykkir framlagðar verklags- og vinnureglur fyrir styrkveitingar landsliðsmanna, viðurkenningar vegna Íslandsmeistara og heiðursviðurkenningar og vísar reglunum til íþróttaráðs.

Íþróttaráð samþykkir framlagðar verklags- og vinnureglur.

Lagt fram til kynningar verkefni Landlæknisembættis Íslands um Heilsueflandi samfélag.

Íþróttaráð líst vel á verkefnið og felur forstöðumanni íþróttamála og formanni að vinna málið áfram.