Íþróttaráð - 186

Eiríkur Björn Björgvinsson bæjarstjóri og Magnús Kristjánsson frá KPMG mættu á fundinn undir þessum lið og fóru yfir vinnu aðgerðarhóps um framtíðarrekstur Akureyrarbæjar.

Farið yfir rekstur íþróttamála árið 2015.

Lagðar fram til kynningar samantektir Karls Guðmundssonar verkefnastjóra yfir rekstur Hlíðarfjalls og íþróttahúsa 2009-2015.

Guðmundur Karl Jónsson forstöðumaður Hlíðarfjalls mætti á fundinn undir þessum lið.

Farið yfir hvernig tókst til með boð íþróttaráðs til grunn- og framhaldsskólanemenda um aðgang að Hlíðarfjalli og sundlaugum Akureyrar í vetrarfríi í síðustu viku.

Íþóttaráð fagnar góðri þátttöku þar sem um 100 börn mættu í Hlíðarfjall og rúmlega 200 börn mættu í sundlaugar Akureyrar í boði íþróttaráðs.

Íþróttaráð stefnir að því að gera þetta árlega.

Þann 4. febrúar 2016 vísaði bæjarráð 4. lið úr fundargerð viðtalstíma bæjarfulltrúa dagsett 28. janúar 2016 til íþróttaráðs:

Þórður Ármannsson, Kringlumýri 10, kom í viðtalstíma bæjarfulltrúa og lýsti yfir óánægju með að bærinn skuli fjárfesta í nýrri vatnsrennibraut í stað þess að byggja sundhöll. Telur að hagkvæmara hefði verið að byggja sundhöll því þá væri hægt að halda hér sundmót. Einnig lýsti Þórður yfir óánægju með aðstöðu fyrir fatlað fólk til sundiðkunar.

Íþróttaráð þakkar Þórði fyrir erindið og ábendinguna.

Lagt fram erindi frá Hestamannafélaginu Létti dagsett 15. febrúar 2016 þar sem óskað er eftir heimild til lántöku.

Íþróttaráð samþykkir erindið og formanni falið að vinna málið áfram.

Lagðar fram til kynningar upplýsingar um fyrirhugað íþróttakennaranám við Háskólann á Akureyri.

Íþróttaráð tekur undir ályktun formannafundar ÍBA og fagnar fyrirhuguðu íþróttakennaranámi við Háskólann á Akureyri sem mun efla enn frekar íþróttastarf í bænum.

Íþróttaráð mun styðja við námið með samstarfi við Háskólann á Akureyri varðandi aðstöðu í íþróttamannvirkjum bæjarins.

Endurskoðun úthlutunarreglna frístundastyrks Akureyrarbæjar.

Frestað.

Lagðar fram niðurstöður úr hljóðvistarmælingum Vinnueftirlitsins sem gerðar voru í íþróttamannvirkjum Akureyrarbæjar í nóvember 2015.

Frestað.