Íþróttaráð - 174

Guðrún Þórsdóttir V-lista boðaði forföll og Alfa Dröf Jóhannsdóttir mætti til fundar í hennar stað. <br /> <br />

Lögð fram drög að gjaldskrá Skíðastaða í Hlíðarfjalli fyrir veturinn 2015-2016. Unnið að fjárhagsáætlun fyrir starfsárið 2016 og 3ja ára áætlun fyrir árin 2016-2019.

Guðmundur Karl Jónsson forstöðumaður Skíðastaða mætti á fundinn undir þessum lið.

Íþróttaráð samþykkir gjaldskrá fyrir Skíðastaði í Hlíðarfjalli fyrir veturinn 2015-2016.

Forstöðumaður íþróttamála kynnti hugmynd að ráðningu verkefnastjóra sem hefði það hlutverk að þróa tómstundir og íþróttir fyrir fatlað fólk á Akureyri. Lagt er til að verkefnastjórinn heyri undir samfélags- og mannréttindadeild og að 50% staða verkefnastjóra félagslegrar liðveislu á búsetudeild myndi renna saman við þetta nýja starf.

Erindinu frestað.

Ársreikningur VMÍ 2014 lagður fram til kynningar.

Tekið fyrir aftur erindi frá formanni ÍBA dagsett 9. júní 2015 þar sem fjallað er um framtíðarhúsnæði fyrir Draupni og KFA.

Fulltrúi ÍBA og forsvarsmenn félaganna mættu á fund íþróttaráðs undir þessum lið. Málið var síðast á dagskrá íþróttaráðs 19. ágúst 2015.

Íþróttaráð felur forstöðumanni íþróttamála og formanni að vinna málið áfram.

Íþróttaráð þakkar Þóru Leifsdóttur framkvæmdarstjóra ÍBA, Grétari Skúla Gunnarssyni formanni KFA og Hans Rúnari Snorrasyni formanni Draupnis fyrir komuna á fundinn.

Þórunn Sif Harðardóttir D-lista vék af fundi kl. 15:51.
Alfa Dröfn Jóhannsdóttir áheyrnarfulltrúi V-lista vék af fundi kl. 15:58.