Íþróttaráð - 198

Tekin fyrir bókun aðalstjórnar KA frá aðalstjórnarfundi 5. október 2016:

Aðalstjórn KA lýsir áhyggjum sínum yfir minnkandi aðstöðu fyrir starfsemi deilda sinna og starfsemi áhugahópa í almenningsíþróttum með því að loka íþróttahúsinu í Laugagötu. Aðalstjórn KA skorar á Íþróttaráð að opna íþróttahús Naustaskóla fyrir íþróttafélög og almenning.

Íþróttaráð þakkar fyrir erindið en getur ekki orðið við því að svo stöddu.

Lögð fram drög að lykiltölum í starfsáætlun ráðsins.

Lagt fram rekstraryfirlit íþróttaráðs fyrir janúar til september 2016.

Guðrún Þórsdóttir V-lista vék af fundi kl. 15:55. <br />

Í ágúst 2016 var kallað eftir upplýsingum frá íþróttamannvirkjum og aðildarfélögum ÍBA varðandi framkvæmdir, viðhald, búnað eða breytingar þar sem óskað yrði/var eftir aðkomu íþróttaráðs varðandi styrkveitingu. Hluti af þeim tillögum sem sendar voru íþróttaráði fóru inn í fjárhagsáætlun næsta árs.

Framkvæmdastjóri lagði fram tillögu að verkefnum sem íþróttaráð getur styrkt í ár.

Íþróttaráð samþykkir framlagðar tilögur og felur framkvæmdastjóra að vinna þær áfram.

Umræður um ýmis mál er varða íþróttaráð.